பிரதமர் நரேந்திர மோடி இன்று வேட்பு மனுத் தாக்கல் செய்வதற்கு முன்னர் வாராணசி கங்கைக் கரையில் உள்ள தசாஷ்வமேத் படித்துறையில் பிரார்த்தனை செய்துள்ளார்.
வேத மந்திரங்களுடன் கங்கைக் கரைப் படித்துறையில் ஆரத்தியும் எடுத்து வழிபாடுகளை மேற்கொண்டதுடன், அங்குள்ள கால பைரவர் கோயிலிலும் பிரார்த்தனை செய்துள்ளார்.
அதனைத் தொடர்ந்தே வேட்புமனுத் தாக்கல் செய்யவுள்ளதுடன், அமித் ஷா மற்றும் ராஜ்நாத் சிங் உள்ளிட்ட பல மத்திய அமைச்சர்கள், பாஜக ஆளும் மாநில முதல்வர்கள், என்டிஏ கூட்டணி ஆளும் மாநில முதல்வர்கள், என்டிஏ கூட்டணியின் முக்கிய தலைவர்கள், பிரதமருடன் வேட்புமனுத் தாக்கல் செய்யவுள்ளதாகத் தெரிவிக்கப்பட்டுள்ளது.
இந்நிலையில், பிரதமர் மோடி வேட்பு மனுத் தாக்கல் செய்ய உள்ள நிகழ்வில் தெலுங்கு தேசம் கட்சி தலைவர் சந்திரபாபு நாயுடு கலந்துகொள்கிறார்.
வேட்பு மனு தாக்கல் நிகழ்வுக்கு பினனர் பிரதமர் மோடியை சந்தித்து அங்கு ஏற்பாடு செய்யப்பட்டுள்ள பொதுக்கூட்ட நிகழ்ச்சியில் மோடிக்கு ஆதரவாக பிரச்சாரம் செய்ய உள்ளதாகவும் தெரிவிக்கப்பட்டுள்ளது.
