இலங்கைக்கு சட்டவிரோதமாக பொருட்களை கடத்திய குற்றச்சாட்டில் பெண் ஒருவர் உட்பட ஆறு பேர் கட்டுநாயக்க சர்வதேச விமான நிலையத்தில் குற்றப் புலனாய்வுப் பிரிவு அதிகாரிகளினால் கைது செய்யப்பட்டுள்ளனர்.
இவர்கள் பெங்களூரு மற்றும் சென்னையில் இருந்து சட்டவிரோதமாக பொருட்களை இலங்கைக்குள் கொண்டு வர முயற்சித்துள்ளனர்.
159 வெளிநாட்டு மதுபான போத்தல்கள், 175 வெளிநாட்டு சிகரெட்டுகள், மொபைல் போன்கள் மற்றும் தங்க நகைகள், ஆடைகள் உள்ளிட்ட பொருட்கள் சுங்க வரி செலுத்தாது இவ்வாறு சட்டவிரோதமான முறையில் கொண்டு வரப்பட்டதாக தெரிவிக்கப்படுகிறது.
சம்பவத்தில் கைதான சந்தேக நபர்கள் 24 – 70 வயதுகளுக்கு உட்பட்ட வத்தளை, கொட்டகலை, கொழும்பு 13, 15 ஆகிய பகுதிகளில் வசிப்பவர்கள்.
மேலும் ஒருவர் இந்தியப் பிரஜை ஆவார்.இது தொடர்பான மேலதிக விசாரணைகளை விமான நிலையை குற்றப் புலனாய்வுப் பிரிவு அதிகாரிகள் மேற்கொண்டுள்ளனர்.
