நேற்று இரவுடன் முடிவடைந்த நான்காவது தெற்காசிய ஜூனியர் தடகளப் போட்டியில் ஒன்பது தங்கம், ஒன்பது வெள்ளி மற்றும் 17 வெண்கலம் உட்பட மொத்தமாக 35 பதக்கங்களுடன் இலங்கை பதக்கப் பட்டியலில் இரண்டாம் இடத்தை பிடித்தது.
போட்டியில் இந்தியா ஆதிக்கம் செலுத்தியதுடன், 21 தங்கம், 22 வெள்ளி மற்றும் 5 வெண்கலப் பதக்கங்கள் உட்பட 48 பதக்கங்களைப் பெற்றது.
பங்களாதேஷ் மூன்று வெண்கலப் பதக்கங்களுடன் மூன்றாவது இடத்தைப் பிடித்தது.
இந்தப் போட்டியானது செப்டெம்பர் 11 ஆம் திகதி இந்தியாவின், சென்னையில் ஆரம்பமாகி நடைபெற்று வந்தது.
நேற்று நடைபெற்ற ஆடவர் டிரிபிள் ஜம்ப் போட்டியில் இலங்கையின் ஹசித திசாநாயக்க தங்கப் பதக்கத்தையும், செனுர ஹன்சகா வெள்ளிப் பதக்கத்தையும் வென்றனர்.
இதேவேளை, ஆண்களுக்கான 4×400 மீற்றர் ரிலே ஓட்டப் போட்டியிலும் இலங்கை தங்கப் பதக்கத்தை வென்றமையும் குறிப்பிடத்கத்கது.
