அடுத்த ஆண்டு நடைபெறவுள்ள ஒருநாள் உலகக் கிண்ணத்துக்கான தயாரிப்புகளை வலுப்படுத்தும் வகையில், இங்கிலாந்து கிரிக்கெட் அணி இளம் வீரர்களுக்கு அதிக வாய்ப்புகளை வழங்கி வருகிறது.
பாகிஸ்தானில் நடைபெறும் இலங்கை, பாகிஸ்தான் மற்றும் இங்கிலாந்து அணிகள் பங்கேற்கும் ஒருநாள் முத்தரப்புத் தொடரில், இளம் வீரர்களின் திறமைகளை மதிப்பிடுவதற்கு இங்கிலாந்து அணி முக்கியத்துவம் அளித்துள்ளது.
ஹாரி புரூக் தலைமையிலான அணியில், இதுவரை ஒருநாள் சர்வதேசப் போட்டிகளில் அறிமுகமாகாத மேசன் கிரேன், ஹென்றி குரோகொம்ப் மற்றும் ஜேம்ஸ் கோல்ஸ் ஆகியோர் இடம்பெற்றுள்ளனர்.
அதேவேளை, காயத்திலிருந்து மீண்ட அடில் ரஷித் மற்றும் சாம் கரன் ஆகியோரும் அணிக்குத் திரும்பியுள்ளனர்.
மறுபுறம், அனுபவமிக்க வேகப்பந்து வீச்சாளர் ஜோஃப்ரா ஆர்ச்சருக்கு ஓய்வு வழங்கப்பட்டுள்ளதுடன், ஜோஸ் பட்லர் தொடைத் தசைக் காயம் காரணமாகத் தொடரில் பங்கேற்கவில்லை.
இளம் வீரர்களுக்கு சர்வதேச அனுபவத்தை வழங்குவதுடன், அணியின் பல்வேறு வீரர் தெரிவுகளைச் சோதித்துப் பார்ப்பதும் இங்கிலாந்தின் முக்கிய நோக்கமாக உள்ளது.
உலகக் கிண்ணத்துக்கு முன்னதாக வலுவான அணியை உருவாக்குவதற்கான முக்கிய வாய்ப்பாக இந்த முத்தரப்புத் தொடர் அமைந்துள்ளமை குறிப்பிடத்தக்கது.
