கடந்த ஜனாதிபதித் தேர்தலில் முன்னாள் ஜனாதிபதி ரணில் விக்கிரமசிங்கவுக்கு ஆதரவளித்த அனைத்து அரசியல் கட்சிகளும் அடுத்த பொதுத் தேர்தலில் புதிய ஜனநாயக முன்னணியின் கீழ் கேஸ் சிலிண்டர் சின்னத்தில் போட்டியிடுவதற்கு இணக்கம் தெரிவித்துள்ளன.
எதிர்வரும் பாராளுமன்றத் தேர்தலுக்கான கூட்டணி தொடர்பில் இறுதி இணக்கப்பாட்டுக்கு வருவதற்கு சம்பந்தப்பட்ட முன்னாள் பாராளுமன்ற உறுப்பினர்கள் நேற்று (02) பிற்பகல் கொழும்பு மல் வீதியில் அமைந்துள்ள தேர்தல் செயற்பாட்டு அலுவலகத்தில் கூடியிருந்தனர்.
இதன்போதே இந்த தீர்மானம் எடுக்கப்பட்டுள்ளது.
எவ்வாறெனினும், கேஸ் சிலிண்டர் சின்னத்தை பெறுவதற்கு தேர்தல் ஆணையத்திடம் கருத்து கேட்கப்பட்டுள்ளதாகவும், ஆணையத்தின் முடிவு தெரிவிக்கப்பட்ட பிறகு இறுதி முடிவு எடுக்கப்படும் என்றும் தெரிவிக்கப்பட்டுள்ளது.
முன்னாள் எம்.பி.க்களால் ‘கேஸ் சிலிண்டர்’ சின்னத்தை பெற முடியாவிட்டால், அவர்கள் பெரும்பாலும் ‘யானை’ சின்னத்தில் அல்லது வேறு பொதுவான சின்னத்தில் போட்டியிடுவார்கள் என மேலும் தெரிவிக்கப்பட்டுள்ளது.
