இலங்கைக் கடற்பரப்பில் அத்துமீறி நுழைந்து மீன் பிடியில் ஈடுபட்ட குற்றச் சாட்டில் கைதுசெய்யப்பட்ட 17 இந்திய மீனவர்களையும் தலா 50 ஆயிரம் ரூபாய் அபராதம் விதித்து, மன்னார் நீதிமன்றம் விடுதலை செய்துள்ளது.
குறித்த மீனவர்கள் கடந்த ஞாயிற்றுக்கிழமை(29) அதிகாலை இலங்கை கடற்படையினரால் கைது செய்யப்பட்டனர்.
இதன்போது அவர்களது இழுவைப் படகுகளையும் இலங்கைக் கடற்படையினர் கைப்பற்றியிருந்தனர்.
இந்த நிலையில் குறித்த வழக்கு இன்றைய தினம் (10) விசாரணைக்கு எடுத்துக் கொள்ளப்பட்ட நிலையில் கைது செய்யப்பட்ட மீனவர்களுக்கு 2 வருட சிறை தண்டனை 20 வருடங்களுக்கு ஒத்திவைக்கப்பட்ட சிறை தண்டனை விதித்துள்ளதுடன் நபருக்கு தலா 50 ஆயிரம் ரூபா தண்டப் பணம் விதித்து விடுதலை செய்யப்பட்டனர்.
இந்த நிலையில் விடுதலையான 17 இந்திய மீனவர்களையும் மிகிரியான தடுப்பு முகாம் ஊடாக இந்திய உயர்ஸ்தானிகர் அலுவலக அதிகாரிகள் ஊடாக நாட்டுக்கு அனுப்ப நடவடிக்கைகளை மேற்கொள்ள அதிகாரிகளுக்கு மன்று உத்தரவிட்டுள்ளது.
