புகழ்பெற்ற இசைக்கலைஞர் ஏ.ஆர் ரஹ்மானுடனான தொடர்பு குறித்த வதந்திகளுக்கு மத்தியில் மோகினி டே இறுதியாக மெளம் கலைந்துள்ளார்.
இது தொடர்பில் வெளியான வதந்திகளை மறுத்த அவர் இன்ஸ்டாகிராமில் வெளியிட்டுள்ள ஒரு வீடியோவில், ஏ.ஆர்.ரகுமான் தனக்கு தந்தை போன்றவர் என்று கூறியுள்ளார்.
மேலும், எனக்கு பல ரோல் மாடல்கள் உள்ளனர். அவர்களில் ஏ.ஆர்.ரகுமானும் ஒருவர் எனது வளர்ச்சியில் அவருக்கு முக்கிய பங்கு உண்டு. அவருக்கு எனது வயதில் மகள் உள்ளார்.
எனவே அவர் எனக்கு தந்தையைப் போன்றவர். அவர் மீது எனக்கு மிகுந்த மரியாதை உண்டு. அவரையும் என்னையும் குறித்து வரும் வதந்திகள் அனைத்தும் பொய்யானது.
அது மிகவும் காயப்படுத்துகின்றன. எனவே கனிவாக நடந்து கொள்ளுங்கள் என்று அந்த வீடியோவில் கூறியுள்ளார்.
நவம்பர் 19 அன்று, ஏ.ஆர்.ரஹ்மானும் மனைவி சாய்ரா பானுவும் 29 வருட திருமணத்திற்குப் பிறகு பிரிந்து செல்லும் முடிவை அறிவித்தனர்.
அந்த அறிவிப்பின் அடுத்த நாளில், மோகினி டே தனது கணவர் மார்க் ஹார்ட்சுச்சிடம் இருந்து விவாகரத்து செய்வதாக அறிவித்தார்.
இது ரஹ்மானுடனான அவரது உறவு குறித்த வதந்திகளுக்கு வழிவகுத்தது.
