இந்திய அணியின் வேகப் பந்து வீச்சாளர் ஜஸ்பிரித் பும்ரா, டெஸ்ட் கிரிக்கெட் வரலாற்றில் 20க்கும் குறைவான சராசரியுடன் 200க்கும் மேற்பட்ட விக்கெட்டுகளை வீழ்த்திய முதல் பந்து வீச்சாளர் என்ற வரலாற்று சாதனையைப் படைத்துள்ளார்.
மெல்போர்னில் நடந்து வரும் அவுஸ்திரேலியா அணிக்கு எதிரான போர்டர்-கவாஸ்கர் டெஸ்ட் தொடரின் நான்காம் நாள் ஆட்டத்தின் போது பும்ரா இந்த சாதனையை படைத்துள்ளார்.
தனது 44வது டெஸ்ட் போட்டியில் விளையாடும் பும்ரா, 19.38 சராசரியுடன் 202 விக்கெட்டுகளை வீழ்த்தியுள்ளார்.
இதன் மூலம் மிகவும் குறைந்த சராசரியுடன் டெஸ்ட் கிரிக்கெட் போட்டிகளில் 200க்கும் மேற்பட்ட விக்கெட்டுகளை வீழ்த்திய பந்து வீச்சாளர்களின் பட்டியலில், பும்ரா முதலிடத்தைப் பிடித்துள்ளார்.
