சிவ பெருமானின் லிங்க வழிபாடே உலகம் முழுவதும் பரவி உள்ளது.
சிவ பெருமானை லிங்க வடிவிலேயே பெரும்பாலான கோவில்களில் தரிசிக்க முடியும்.
இந்த லிங்கங்களில் பல வகை உள்ளது.
அது செய்யப்படும் பொருளை பொறுத்து லிங்கத்தின் சிறப்பும், அது தரும் பலன்களும் மாறுபடும்.
மரகதம், கருங்கல், சந்தனம், ருத்ராட்சம், பாதரசம் போன்ற பல வகையான லிங்கங்களை நாம் கேள்விப்பட்டிருப்போம், தரிசனமும் செய்திருப்போம்.
ராமேஸ்வரம் போன்ற சில கோவில்களில் மணலால் ஆன லிங்கம் கூட உண்டு.
இந்த லிங்க வகைகளில் ஒன்று தான் ஸ்படிக லிங்கம்.
வீடு, பெரிய நிறுவனங்கள், தொழில் செய்யும் இடங்கள் என பல இடங்களில் ஸ்படிக லிங்கம் இருப்பதை கண்டறிப்போம்.
லிங்க வழிபாட்டிற்கு என்று தனி முறைகள் இருப்பது போல் ஸ்படிக லிங்க வழிபாட்டிற்கும் உள்ளது.
பல நூறு வருடங்களாக பூமிக்கு அடியில் தேங்கியுள்ள நீர், பாறையாக மாறும்.
அந்த பாறையில் இருந்து சுத்தமான கற்களை தேர்வு செய்து ஸ்படிக லிங்கம் செய்வார்கள்.
ஸ்படிக லிங்கம் என்பது பொதுவாக நீண்ட குச்சி போன்ற வடிவமும்,சுமார் ஒரு இன்ச்சிலிருந்து, பத்து இன்ச் வரை உயரமும் ஆறு முகங்கள் அல்லது பட்டைகள் உடையதாகவும் இருக்கும்.
இந்த ஸ்படிக லிங்கங்கள் அனைத்து கிரக தோஷங்களையும், மிக முக்கியமாக எதிர்மறை சக்திகளை விரட்டி அடிக்கும் மிகவும் உன்னதமான ஒன்றாகும்.
இதன் தனிச் சிறப்பு என்னவென்றால், ஒரு வினாடிக்கு 32,768 முறை நேர்மறையாக அதிரக்கூடிய தன்மை உடையது.
இந்த அதிர்வலைகள் நம்மை சுற்றி அரணாக நல்ல சக்திகளை பரப்புகிறது.
இதனால் எவ்வித தோஷங்களாக இருந்தாலும் தீர்த்து நன்மைகளே நடக்கின்றன.
அதனால், தான் ஒரு ஸ்படிக லிங்கம் என்பது கருங்கற்களால் செய்யப்பட்ட ஆயிரம் லிங்கங்களுக்குச் சமம் என்று சொல்வார்கள்.
ஸ்படிக லிங்கத்தை வீட்டில் வைத்து வணங்குவதால் வீடு முழுவதும் நேர்மறை அதிர்வுகள் ஏற்படுகிறது.
வீட்டை நெருங்கும் தீய சக்திகள் விரட்டி அடிக்கப்படுகிறது.
தூய்மையான மனம்,தெளிவான சிந்தனை ஆகியவை கிடைத்து உயர்வான வாழ்வு அமைகிறது.
நவக்கிரகங்களின் கெட்ட பலனை பெரிதும் அழிக்கும்.
ஸ்படிக லிங்கத்தின் முன் சிவனை மட்டும் தான் வழிபட வேண்டும் என்றில்லை.
லட்சுமியின் அருள் வேண்டி லட்சுமி தேவியையும் வணங்கலாம்.
இதனால் பொருள் வளம் அதிகரிக்கும். சனிபெயர்ச்சி காலத்தில் வீடு,தொழில் நிறுவனங்களில் வைத்து வழிபடுவதால் உயர்ந்த நன்மைகள் நடைபெறும்.
வியாபாரிகள் இந்த ஸ்படிக லிங்கத்தை வீட்டிலோ, தங்கள் வியாபார தலத்திலோ வைத்து வழிபடலாம். முறைப்படி பூஜிப்பதால் ஸ்படிகம் ஆகர்ஷண சக்தி படைத்ததாக மாறும்.
