பிக் பொஸ் நிகழ்ச்சியில் பணப்பெட்டி எடுக்க முயன்ற ஜாக்குலின் குறிப்பிட்ட நேரத்திற்குள் வீட்டிற்குள் வராததால் போட்டியில் இருந்து வெளியேற்றப்பட்டுள்ளதாகக் தகவல் வெளியாகியுள்ளது.
பிக் பொஸ் சீசன் 8 நிகழ்ச்சி இறுதி வாரத்தை நோக்கி சென்றுகொண்டிருக்கும் நிலையில் நிகழ்ச்சி நிறைவடைவதற்கு இன்னும் சில நாள்களே உள்ளன.
தற்போது பிக் பாஸ் வீட்டில் முத்துக்குமரன், வி.ஜே. விஷால், ஜாக்குலின், செளந்தர்யா, பவித்ரா ஜனனி, ரயான் ஆகிய 6 பேர் உள்ளனர்.
வழக்கமாக பணப்பெட்டியை எடுப்பவர் பணத்தை எடுத்துகொண்டு நிகழ்ச்சியில் இருந்து வெளியேறுவார். ஆனால் பிக் பொஸ் வரலாற்றில் முதன்முறையாக இந்த சீசனில் பணப்பெட்டியை எடுப்பவர்கள் கொடுக்கப்பட்ட நேரத்திற்குள் மீண்டும் வீட்டுக்குள் வந்துவிட்டால் போட்டியில் தொடரலாம் என்றும் மாறாக குறித்த நேரத்துக்குள் பணப்பெட்டியை எடுத்துக்கொண்டு வீட்டிற்குள் மீண்டும் வரவில்லை என்றால் பிக் நிகழ்ச்சியில் இருந்து வெளியேற்றப்படுவார் என்றும் தெரிவிக்கப்பட்டது.
இந்த நிலையில் முதல் நாள் நடைபெற்ற பணப்பெட்டி போட்டியில் 30 மீற்றர் தொலைவில் ரூ.50,000 பணம் வைக்கப்பட்டு இருந்ததை 15 விநாடிகளில் முத்துக்குமரன் எடுத்தார்.
தொடர்ந்து ரூ. 2 லட்சத்துக்கான பணப்பெட்டியை ரயான், பவித்ரா ஆகியோர் எடுத்தனர். ரூ. 5 லட்சத்துக்கான பணப்பெட்டியை விஜே விஷால் எடுத்தார். செளந்தர்யா பணப்பெட்டியை எடுக்கும் முயற்சியில் ஈடுபட்டு, எடுக்க முடியாத்தால் மீண்டும் வீட்டுக்குள் வந்துவிட்டார்.
இந்நிலையில் இன்று 8 லட்சம் ரூபாய் கொண்ட பணப்பெட்டி வைக்கப்பட்ட நிலையில், அதை எடுக்க 35 விநாடிகள் என நேரம் கொடுக்கப்பட்டது. ஆனால் ஜாக்குலின் 37 விநாடிகள் எடுத்துக் கொண்டதால் பிக் பொஸ் வீட்டின் கதவுகள் மூடப்பட்டு நிகழ்ச்சியில் இருந்து வெளியேற்றப்பட்டார்.
பிக் பொஸ் நிகழ்ச்சியின் இறுதிப்போட்டியில் ஜாக்குலின் வெற்றிப் பெறுவார் என்று எதிர்பார்க்கப்பட்ட நிலையில், நிகழ்ச்சியில் இருந்து ஜாக்குலின் வெளியேறியுள்ளது அவரது ரசிகர்கள் மத்தியில் சற்று சோகத்தை ஏற்படுத்தியுள்ளது.
