செர்பிய பிரதமர் மிலோஸ் வுசெவிக் (Milos Vucevic) செவ்வாயன்று (28)தனது பதவியை இராஜினாமா செய்தார்.
2024 நவம்பரில் ரயில் நிலையத்தின் மேற்கூரை இடிந்து விழுந்ததில் நாடு தழுவிய ரீதியில் நடத்தப்பட்ட பல மாதங்களான வெகுஜன போராட்டங்களைத் தொடர்ந்து அவர் பதவி விலகினார்.
செர்பியாவின் வடக்கு நகரமான நோவி சாடில் உள்ள ரயில் நிலையத்தில் 15 பேரின் உயிரை பறித்த பயங்கர பேரழிவை அடுத்து பால்கன் நாடு வழக்கமான போராட்டங்களால் அதிர்ந்தது.
இந்த விபத்து செர்பியா முழுவதும் ஊழல் மற்றும் கட்டுமானத் திட்டங்களில் மேற்பார்வையின்மை காரணமாக நீண்டகால கோபத்தைத் தூண்டியது.
மாணவர்கள் போராட்டங்களை முன்னின்று நடத்தி, தினசரி போக்குவரத்தை நிறுத்தி, பல மாதங்களாக பல்கலைக்கழகங்களை முற்றுகையிட்டனர்.
கடந்த வெள்ளியன்று, பல செர்பியர்கள் பொது வேலைநிறுத்தத்திற்கான அழைப்பின் பிரதிபலிப்பாக பிரதமர் மிலோஸ் வுசெவிக்கின் பதவி விலகல் வந்துள்ளது.
இந்த நிலையில், செவ்வாய்கிழமை தாமதமாக ஒரு தொலைக்காட்சி உரையில் ஜனாதிபதி அலெக்சாண்டர் வூசிக், நாடாளுமன்றத் தேர்தலை நடத்துவதா அல்லது புதிய அரசாங்கத்தை அமைப்பதா என்பது குறித்து அடுத்த 10 நாட்களுக்குள் முடிவு எடுப்பதாகக் கூறினார்.
நோவி சாட் சம்பவம் தொடர்பாக பத்துக்கும் மேற்பட்டோர் மீது குற்றம் சாட்டப்பட்டுள்ளது.
இதில் முன்னாள் போக்குவரத்து அமைச்சர் கோரன் வெசிக் உள்ளிட்டோர் அடங்குவர்.
