சித்தா திரைப்படத்தின் இயக்குநர் அருண் குமார் இன்று திருமண பந்தத்தில் இணைந்துள்ளார். கடந்த 2014 ஆம் ஆண்டு விஜய் சேதுபதி நடிப்பில் வெளியான ‛பண்ணையாரும் பத்மினியும்’ படத்தின் மூலம் இயக்குநராக அறிமுகமானவர் அருண்குமார். இதனைத்தொடர்ந்து மீண்டும் விஜய் சேதுபதியை வைத்து ‛சேதுபதி’ என்ற திரைப் படத்தை இயக்கினார்.
அந்த படம் நல்ல வரவேற்பைப் பெற்றது. அதனைத் தொடர்ந்து 3வது முறையாக விஜய் சேதுபதியுடன் இணைந்த அவர் ‛சிந்துபாத்’ என்ற படத்தை இயக்கி, 2019ல் வெளியிட்டிருந்தார். அதன் பிறகு கடந்த 2023ஆம் ஆண்டு நடிகர் சித்தார்த்தை வைத்து ‘சித்தா’ என்ற திரைப் படத்தை இயக்கியிருந்தார்.
இத் திரைப்படம் மக்கள் மத்தியில் நல்ல வரவேற்பைப் பெற்று வசூல் ரீதியாகவும் விமர்சன ரீதியாகவும் வெற்றி பெற்றது. தற்போது விக்ரமை வைத்து ‛வீர தீர சூரன்’ திரைப்படத்தை அருண்குமார் இயக்கியுள்ளார்.
இந்நிலையில் இன்று இயக்குநர் அருண்குமாரின் திருமணம் நடைபெற்றுள்ளது. இந்த திருமணத்தில் விக்ரம்,விஜய் சேதுபதி, சித்தார்த், எஸ்.ஜே.சூர்யா, விக்னேஷ் சிவன் எனப் பலர் கலந்துகொண்டு அருண்குமாருக்கு வாழ்த்துத் தெரிவித்துள்ளனர்.
இது தொடர்பான புகைப்படங்கள் சமூக வலைத்தளங்களில் வெளியாகி வைரலாகி வருகின்றமை குறிப்பிடத்தக்கது.
