நடிகர் ரஜினிகாந்த் மற்றும் இயக்குநர் லோகேஷ் கனகராஜ் கூட்டணியில் உருவாகி வரும் திரைப்படம் கூலி. இந்தப் படத்தின் டைட்டில் வீடியோ மற்றும் பாடல் க்ளிம்ப்ஸ் உள்ளிட்டவை ஏற்கனவே வெளியிடப்பட்டுள்ளன. இரண்டு வீடியோக்களும் ரசிகர்கள் மத்தியில் நல்ல வரவேற்பை பெற்றன.
படம் தொடர்பான அடுத்த அப்டேட் எப்போது வெளியாகும் என ரசிகர்கள் ஆவலோடு எதிர்பார்க்கின்றனர். இந்த நிலையில், கூலி படத்தின் டீசர் வருகிற 14-ம் திகதி வெளியிடப்படலாம் என்று தகவல்கள் வெளியாகி வருகின்றன. மார்ச் 14-ம் திகதி கூலி படத்தின் இயக்குநர் லோகேஷ் கனகராஜ் தனது பிறந்தநாளை கொண்டாடுகிறார்.
அதன்படி இயக்குநரின் பிறந்தநாளில் கூலி படத்தின் டீசர் வெளியிடப்பட இருப்பதாக கூறப்படுகிறது. இது குறித்து இதுவரை அதிகாரப்பூர்வ அறிவிப்பு எதுவும் வெளியிடப்படவில்லை என்பதும் குறிப்பிடத்தக்கது. கூலி திரைப்படத்தை சன் பிக்சர்ஸ் நிறுவனம் தயாரிக்கிறது.
கூலி படத்திற்கு அனிருத் இசையமைக்கிறார். இந்தப் படத்தில் சத்யராஜ், நாகர்ஜுனா, சௌபின் ஷாஹிர், சுருதிஹாசன், பகத் பாசில், ரெபா மோனிகா ஜான் மற்றும் உபேந்திரா ஆகியோர் நடிக்கின்றனர். இந்தப் படத்திற்கு கிரிஷ் கங்காதரன் ஒளிப்பதிவு செய்கிறார். அன்பறிவு சண்டைக் காட்சிகளை இயக்குகின்றனர்.
