சிறுவர் சுரண்டலை தடுக்க கடுமையாக்கப்படும் சட்டம்!

இலங்கை எதிர்வரும் ஜூலை 1 ஆம் திகதி முதல் சிறுவர் தொழிலாளர் சட்டங்களை கடுமையாக அமல்படுத்தவுள்ளது.

மேலும் சிறுவர் சுரண்டலை ஒழிப்பதற்கான ஒருங்கிணைந்த முயற்சியைக் குறிக்கும் வகையில், ஒழுங்கமைக்கப்பட்ட சிறுவர் கடத்தலை எதிர்த்துப் போராடுவதற்கான புதிய தரப்படுத்தப்பட்ட நடைமுறைக்கும் ஒப்புதல் அளிக்கப்பட்டுள்ளது.

சிறுவர்கள் மற்றும் மகளிர் விவகார அமைச்சரால் அறிமுகப்படுத்தப்பட்ட புதிய திட்டத்திற்கு அமைச்சரவை ஒப்புதல் அளித்ததைத் தொடர்ந்து, 2025 ஜூலை 1, முதல் ஆபத்தான சிறுவர் தொழிலாளர் முறையைத் தடைசெய்யும் தற்போதைய சட்ட விதிகளை அரசாங்கம் கடுமையாக அமல்படுத்தத் தொடங்கும்.

சிறுவர்கள் உரிமைகள் கட்டளைச் சட்டத்தின் கீழ், ஒரு சிறுவர் என்பது 18 வயதுக்குட்பட்ட எந்தவொரு நபராகவும் வரையறுக்கப்படுகிறது.

தேசிய மக்கள் தொகையில் சுமார் 30 சதவீதம் சிறுவர்கள் உள்ளனர்.

இவர்களில் கணிசமான எண்ணிக்கையிலானவர்கள் பல்வேறு சமூக பொருளாதார காரணிகளால் தொழிலாளர் பணியில் ஈடுபடுவதாகக் கூறப்படுகிறது.

பல சிறுவர்கள் தெருவில் யாசகம் எடுப்பது, பொருட்களை விற்பனை செய்வது அல்லது வீட்டு வேலைகளில் ஈடுபடுவது போன்றவற்றில் ஈடுபட்டுள்ளனர்.

பெரும்பாலும் மனித கடத்தல் அல்லது கட்டாய உழைப்புக்கு பலியாகின்றனர்.

இந் நிலையில் இந்த புதிய நடவடிக்கை16 வயதுக்குட்பட்ட சிறுவர்கள் தெருவில் யாசகம் எடுப்பது அல்லது வர்த்தகம் செய்வதைத் தடை செய்கிறது.

16 முதல் 18 வயதுடைய சிறுவர்கள் வீட்டு வேலை உள்ளிட்ட ஆபத்தான தொழில்களில் பணியமர்த்துவதையும் தடை செய்கிறது.

சம்பந்தப்பட்ட அமைச்சினாலா செயல்படுத்தப்படும் இந்தத் திட்டம், இந்தச் சட்டக் கட்டுப்பாடுகளைச் செயல்படுத்துவதையும், சிறுவர் தொழிலாளர் முறையின் அபாயங்கள் மற்றும் சட்டவிரோதம் குறித்து பொது விழிப்புணர்வு பிரச்சாரத்தைத் தொடங்குவதையும் நோக்கமாகக் கொண்டுள்ளது.