அமெரிக்காவின் மிகப்பெரிய வர்த்தக பங்களிகளில் ஒன்றான ஜப்பானுடனும் ஒரு பெரிய வர்த்த ஒப்பந்தத்தை ஒப்புக் கொண்டுள்ளதாக ஜனாதிபதி டெனால்ட் ட்ரம்ப் தெரிவித்துள்ளார்.
இந்த ஒப்பந்தம் ஜப்பானின் முக்கியமான ஆட்டோமொபைல் துறைக்கு உடனடி நிவாரணத்தைக் கொண்டுவரும்.
தற்போதுள்ள கட்டணங்கள் 25% இலிருந்து 15% ஆகக் குறைக்கப்படும்.
மேலும், ஆகஸ்ட் 1 ஆம் திகதி வரவிருந்த பிற ஜப்பானியப் பொருட்களின் மீதான முன்மொழியப்பட்ட வரிகளும் அதே அளவு குறைக்கப்படும்.
இந்த ஒப்பந்தம் குறத்து சமூக ஊடகப் பதிவில் பதவிட்ட ட்ரம்ப்,
ஜப்பானுடன் வரலாற்றில் மிகப்பெரிய வர்த்தக ஒப்பந்தத்தில் நான் கையெழுத்திட்டேன், இந்த ஒப்பந்தம் இலட்சக்கணக்கான வேலை வாய்ப்புகளை உருவாக்கும், இது அமெரிக்காவிற்கு மிகவும் உற்சாகமான நேரம், குறிப்பாக ஜப்பான் நாட்டோடு நாம் எப்போதும் சிறந்த உறவைக் கொண்டிருப்போம் என்பதற்கு இது மிகவும் உற்சாகமான நேரம் – என்றார்.
கடந்த ஞாயிற்றுக்கிழமை நடைபெற்ற தேர்தல் தோல்விக்குப் பின்னர் விரைவில் இராஜினாமா செய்வார் என்று உள்ளூர் ஊடகங்கள் செய்தி வெளியிட்ட ஜப்பான் பிரதமர் இஷிபா, இந்த ஒப்பந்தத்தை என்று பாராட்டினார்.
இந்த மாதம் ஜப்பானுக்கு அனுப்பிய கடிதத்தில், ஆகஸ்ட் 1 ஆம் திகதிக்கு முன் புதிய வர்த்தக ஒப்பந்தம் ஏற்படாவிட்டால், அமெரிக்காவிற்கு அந்நாட்டின் ஏற்றுமதியில் 25% வரி விதிக்கப்படும் என்று ட்ரம்ப் அச்சுறுத்தினார்.
ஏப்ரல் 2 ஆம் திகதி விடுதலை தினம் என்று அழைக்கப்படும் போது அறிவிக்கப்பட்ட 24% விகிதத்திலிருந்து இது ஒரு சதவீதம் அதிகமாகும்.
உலகெங்கிலும் உள்ள பல அமெரிக்க வர்த்தக பங்காளிகள் மீதான வரிகளை உள்ளடக்கிய ஏப்ரல் கட்டணத் திட்டம், உலகளாவிய சந்தை கொந்தளிப்பைத் தொடர்ந்து 90 நாட்களுக்கு இடைநிறுத்தப்பட்டது.
இது டோக்கியோவின் வர்த்தக பிரதிநிதிகள் வொஷிங்டனில் உள்ள தங்கள் சகாக்களுடன் பேச்சுவார்த்தை நடத்த நேரம் அனுமதித்தது.
இந்த நிலையில் புதிய ஒப்பந்தம் தொடர்பான ட்ரம்பின் அறிவிப் பின்னர், டோக்கியோவில் புதன்கிழமை (23) ஜப்பானின் முக்கிய பங்கு குறியீட்டான நிக்கி 225 3% க்கும் அதிகமாக உயர்ந்தது.
டொயோட்டா, நிசான் மற்றும் ஹோண்டா உள்ளிட்ட மோட்டார் துறை ஜாம்பவான்களின் பங்குகள் வலுவான இலாபத்துடன் இருந்தன.
வார இறுதியில் நடந்த தேர்தல்களில் நாட்டின் மேல் சபையில் லிபரல் டெமாக்ரடிக் கட்சி (LDP) பெரும்பான்மையை இழந்ததை அடுத்து, இஷிபா பதவி விலக வேண்டிய அழுத்தத்தில் இருக்கும் நேரத்தில் இந்த ஒப்பந்தம் வந்துள்ளது.
