கனடாவுடன் புதிய வர்த்தக ஒப்பந்தத்திற்கான தடைபட்ட பேச்சுவார்த்தைகளை மீண்டும் தொடங்க ஒப்புக்கொண்டதாக இந்திய அரசாங்கம் ஞாயிற்றுக்கிழமை (23) தெரிவித்துள்ளது.
இரண்டு ஆண்டுகளுக்கு முன்பு ஏற்பட்ட இராஜதந்திர மோதலைத் தொடர்ந்து இரு நாடுகளுக்கும் இடையிலான பேச்சுவார்த்தைகள் இடைநிறுத்தப்பட்ட பின்னர் இந்த முன்னேற்றம் வந்துள்ளது.
தென்னாப்பிரிக்காவின் ஜோகன்னஸ்பர்க்கில் நடைபெறும் ஜி20 உச்சிமாநாட்டின் போது, இருதரப்பு கலந்துரையாடலுக்காக கனேடியப் பிரதமர் மார்க் கார்னி, இந்தியப் பிரதமர் நரேந்திர மோடியை சந்தித்தார்.
2030 ஆம் ஆண்டுக்குள் இருதரப்பு வர்த்தகத்தை 50 பில்லியன் அமெரிக்க டொலர்களாக இரட்டிப்பாக்குவதை நோக்கமாகக் கொண்ட உயர் லட்சிய விரிவான பொருளாதார கூட்டாண்மை ஒப்பந்தம் (CEPA) குறித்த பேச்சுவார்த்தைகளைத் தொடங்க இதன்போது தலைவர்கள் ஒப்புக்கொண்டனர் என்று சந்திப்பு குறித்து இந்தியப் பிரதமர் அலுவலகம் வெளியிட்ட அறிக்கையில் சுட்டிக்காட்டப்பட்டுள்ளது.
அந்த அறிக்கையின்படி, இரு தரப்பினரும் தங்கள் நீண்டகால சிவில் அணுசக்தி ஒத்துழைப்பை மீண்டும் உறுதிப்படுத்தினர், நீண்டகால யுரேனியம் விநியோக ஏற்பாடுகள் உட்பட ஒத்துழைப்பை விரிவுபடுத்துவது குறித்த தொடர்ச்சியான விவாதங்கள் பற்றி கவனம் செலுத்தப்பட்டதாகவும் தெரிவிக்கப்படுகிறது.
தடைபட்ட வர்த்தகப் பேச்சுவார்த்தைகளை மறுபரிசீலனை செய்யவும், விண்வெளி மற்றும் பாதுகாப்பு உற்பத்தி போன்ற வளர்ந்து வரும் துறைகளில் சாத்தியமான விரிவாக்கத்தை ஆராயவும் இரு தலைவர்களும் ஒப்புக்கொண்டனர்.
இந்தியா – கனடாக இடையில் மீண்டும் பேச்சுவார்த்தைகள் தொடங்கப்பட்டிருப்பது, கார்னி அதன் மிகப்பெரிய வர்த்தக பங்காளியான அமெரிக்காவிற்கு அப்பால் வர்த்தக உறவுகளை விரிவுபடுத்த அழுத்தம் கொடுக்கும்போது இரு நாடுகளுக்கும் இடையிலான உறவுகளை மிதமாக்குவதை எடுத்துக்காட்டுகிறது.
இந்தியா கனடாவின் ஏழாவது பெரிய பொருட்கள் மற்றும் சேவைகள் வர்த்தக கூட்டாளியாக மாறியதால், 2024 ஆம் ஆண்டில் இந்தியா-கனடா வர்த்தகம் 30 பில்லியன் அமெரிக்க டொலர்களைத் தாண்டியமையும் குறிப்பிடத்தக்கது.
