இலங்கை பெற்றோலியக் கூட்டுத்தாபனம் நேற்று (31) நள்ளிரவு முதல் அமுலுக்கு வரும் வகையில் எரிபொருள் விலைகளில் திருத்தங்களை மேற்கொண்டுள்ளதாக அறிவித்துள்ளது.
இதற்கமைய, லங்கா பெட்ரோல் 92 ஒக்டேன் மற்றும் லங்கா ஓட்டோ டீசல் ஆகியவற்றின் விலைகள் லீட்டருக்கு 2 ரூபாய் வீதம் குறைக்கப்பட்டுள்ளன.
அதன்படி, லங்கா பெட்ரோல் 92 ஒக்டேன் 292.00 ரூபாவாகவும் , லங்கா ஓட்டோ டீசல்: 277 .00 ரூபாவாகவும் குறைக்கப்பட்டுள்ளது.
இதேவேளை, ஏனைய எரிபொருள் வகைகளின் விலைகளில் எவ்வித மாற்றமும் மேற்கொள்ளப்படவில்லை எனவும், அவை பழைய விலையிலேயே விற்பனை செய்யப்படும் எனவும் கூட்டுத்தாபனம் தெரிவித்துள்ளது.
அதன்படி, மாற்றமின்றி, லங்கா பெட்ரோல் 95 ஒக்டேன் . 340.00 ரூபாவாகவும் லங்கா சூப்பர் டீசல் 4 ஸ்டார் ரூ. 323.00 ரூபாவாகவும் லங்கா மண்ணெண்ணெய்: ரூ. 182.00 ரூபாவாகவும் காணப்படும்.
இந்த விலைத்திருத்தம் 2026 ஜனவரி 31 ஆம் திகதி நள்ளிரவு 12.00 மணி முதல் அமுலுக்கு வந்துள்ளது.
