பிரிட்டனின் பாதுகாப்பு அமைப்பில் மாற்றம் கொண்டு வர பாதுகாப்புச் செயலாளர் மேற்கொண்ட பல மில்லியன் பவுண்டுகள் மதிப்பிலான முயற்சி ‘தோல்வி’ என பாதுகாப்பு வட்டாரங்கள் கடுமையாக விமர்சித்துள்ளன. பன்னிரண்டு பாதுகாப்பு தொடர்புடைய வட்டாரங்களுடனான நேர்காணல்கள் மற்றும் உரையாடல்களில், போருக்குத் தயாராகும் செயல்திறனை மேம்படுத்துவதற்குப் பதிலாக நிர்வாக கட்டமைப்புகளை மாற்றுவதிலேயே அதிக கவனம் செலுத்தப்படுவதாக குற்றச்சாட்டு முன்வைக்கப்பட்டுள்ளது.
மத்திய கிழக்கு மற்றும் உக்ரைன் போன்ற பகுதிகளில் போர் சூழ்நிலை நிலவிக் கொண்டிருக்க, அமெரிக்க ஜனாதிபதி Donald Trump இராணுவத்தின் பலவீனத்தை விமர்சித்த பின்னணியிலும், பாதுகாப்பு அமைச்சகத்தின் (MoD) உள்பகுதியில் புதிய ஆயுத கொள்முதல் அமைப்பின் பெயர் குறித்து விவாதம் அதிகரித்துள்ளது.
பில்லியன் கணக்கான பவுண்டுகள் மதிப்பிலான ஆயுத கொள்முதல் நடவடிக்கைகளை மேற்கொள்ள உருவாக்கப்பட்ட தேசிய ஆயுத இயக்குநர் குழு (NAD Group) என்பதற்கு பதிலாக ‘ராயல் ஆயுத இயக்குநரகம்’ ((Royal Armaments Directorate) என பெயர் மாற்றம் செய்ய வேண்டும் என்று சிலர் வலியுறுத்துகின்றனர். ‘NAD’ என்ற சுருக்கம் நகைச்சுவையாகப் பயன்படுத்தப்படுவதும், ‘ராயல்’ என்ற சொல் அதிக மரியாதை உணர்வை உருவாக்கும் என்பதும் இந்த கோரிக்கைக்கு காரணங்களாக கூறப்படுகின்றன.
இந்நிலையில், பாதுகாப்பு சீர்திருத்த முயற்சியில் ஆரம்பத்திலேயே பங்கேற்ற முன்னாள் அதிகாரி Ed Stringer, ‘பெயர் குறித்து இவ்வளவு கவலைப்படுவது அமைப்பின் முக்கிய பிரச்சினைகளை காட்டுகிறது’ எனக் கருத்து தெரிவித்துள்ளார்.
ஆனால், அமைப்பின் பெயரை மாற்றும் திட்டம் எதுவும் இல்லை என பாதுகாப்பு அமைச்சகம் தெளிவுபடுத்தியுள்ளது.
