கொழும்பு, கிரேண்ட்பாஸ் பொலிஸ் பிரிவுக்கு உட்பட்ட பகுதியில் அடையாளம் தெரியாத ஆணின் சடலம் ஒன்று மீட்கப்பட்டுள்ளது.
சேதவத்தை, களனி பாலத்திற்கு அருகே இந்த சடலம் மீட்கப்பட்டதாக கிரேண்ட்பாஸ் பொலிஸார் தெரிவித்துள்ளனர்.
சடலமாக மீட்கப்பட்டவர் வயது 35 முதல் 40-க்கு இடைப்பட்டவராக அடையாளம் காணப்பட்டுள்ளார்.
சுமார் 5 அடி 5 அங்குல உயரமும், ஒரு அங்குல நீளத்திற்கு வளர்ந்த முடியும் கொண்ட அவர், மேல் சட்டை இல்லாமலும் நீல நிறப் பொத்தான்கள் கொண்ட கால்சட்டை அணிந்த நிலையிலும் காணப்பட்டார்.
அவரது அடையாளம் இன்னும் உறுதிப்படுத்தப்படவில்லை என்று பொலிஸார் தெரிவித்தனர்.
நீதவானின் பரிசோதனைக்குப் பின்னர், சடலம் கொழும்பு தேசிய வைத்தியசாலையின் பிரேத அறையில் வைக்கப்பட்டது.
கிராண்ட்பாஸ் பொலிஸார் மேலதிக விசாரணைகளை மேற்கொண்டு வருகின்றனர்.
