முன்னாள் ஜனாதிபதி மஹிந்த ராஜபக்ஷவின் புதல்வரான ரோஹித்த ராஜபக்ஷ, இன்று (25) மத்திய குற்றப் புலனாய்வுப் பிரிவின் (CCIB) முன்னிலையில் முன்னிலையானார்.
மிரிஹானப் பகுதியில் அமைந்துள்ள இரண்டு நிறுவனங்களில் 19 மில்லியன் ரூபா பெறுமதியான முதலீடுகள் மேற்கொள்ளப்பட்டதாகக் கூறப்படும் விவகாரம் தொடர்பான விசாரணையின் ஒரு பகுதியாகவே அவர் அங்கு முன்னிலையானார் என்று தெரிவிக்கப்படுகிறது.
குறித்த இரண்டு நிறுவனங்களுடனும் தொடர்புடையதாகக் கூறப்படும் நிதிப் பரிவர்த்தனைகள் குறித்த விசாரணைகளின் அடிப்படையில், வாக்குமூலம் ஒன்றை வழங்குவதற்காகவே அவர் அங்கு அழைக்கப்பட்டுள்ளார்.
