உலகின் புகழ்பெற்ற NBA கூடைப்பந்தாட்ட லீக்கின் வரலாற்றுச் சாதனையாளரான லெப்ரான் ஜேம்ஸ், தனது 24-வது NBA தொடரில் பிலடெல்பியா 76யர்ஸ் அணிக்காக விளையாட முடிவு செய்துள்ளதாக நேற்று அதிகாரப்பூர்வமாக அறிவித்துள்ளார்.
இதன் மூலம் NBA வரலாற்றில் அதிக தொடர்களில் விளையாடிய வீரர் என்ற தனது சொந்த சாதனையை அவரே மேலும் நீடித்துள்ளார்.
தனது மின்னும் விளையாட்டு வாழ்க்கையில் கிளீவ்லேண்ட் கேவாலியர்ஸ், மியாமி ஹீட் அணிகளைத் தொடர்ந்து, கடந்த 8 பருவங்களாக லாஸ் ஏஞ்சலஸ் லேக்கர்ஸ் (Los Angeles Lakers) அணியின் முன்னணி வீரராகச் செயல்பட்ட இவர், 2020-ஆம் ஆண்டில் அந்த அணிக்கு சாம்பியன் பட்டத்தையும் வென்று கொடுத்தார்.
பிலடெல்பியா அணியில் இணைவது குறித்து சமூக வலைத்தளத்தில் உருக்கமாகப் பதிவிட்டுள்ள 41 வயதான லெப்ரான் ஜேம்ஸ்:
“இது எனது இறுதி முடிவு. நான் பணத்திற்காகவோ அல்லது குடும்ப சூழலுக்காகவோ இந்த முடிவை எடுக்கவில்லை. இந்த வயதில் நான் எதற்காக விளையாடுகிறேன்? எனக்கு இன்னும் தியாகம் செய்யவும், கடினமாக உழைக்கவும், களத்தில் போராடவும் ஆசை இருக்கிறது. மீண்டும் ஒரு சாம்பியன் பட்டத்தைக் கைப்பற்றும் அந்தப் பரவச உணர்வை அடையவே நான் போட்டியிடுகிறேன். பிலடெல்பியா 76யர்ஸ் அணியை ஒரு சாம்பியன் அணியாக மாற்ற என்னால் உதவ முடியும் என நம்புகிறேன்.” எனத் தெரிவித்துள்ளார்.
NBA வரலாற்றில் அதிக புள்ளிகள் குவித்த வீரரான லெப்ரான் ஜேம்ஸ், கடந்த மார்ச் மாதம் ராபர்ட் பாரிஷின் (Robert Parish) அதிக போட்டிகளில் விளையாடிய சாதனையை முறியடித்தார்.
வயது அதிகரித்த போதிலும், களத்தில் அவரது அதிரடி ஆட்டம் குறையவில்லை.
கடந்த பிப்ரவரி மாதம் தொடர்ச்சியாக 22-வது முறையாக ‘ஆல்-ஸ்டார்’ (All-Star) போட்டிக்காகத் தேர்வாகி சாதனை படைத்த இவர், கடந்த தொடரில் 60 போட்டிகளில் விளையாடி சராசரியாக போட்டிக்கொன்று 20.9 புள்ளிகள், 6.1 ரீபவுண்டுகள் மற்றும் 7.2 அசிஸ்ட்களைப் பதிவு செய்து அசத்தியுள்ளார் என்பது குறிப்பிடத்தக்கது.
