இந்தியப் பாதுகாப்பு அமைச்சர் ராஜ்நாத் சிங் இன்று (09) கொழும்பில் ஜனாதிபதி அநுரகுமார திஸநாயக்கவைச் சந்தித்துப் பேச்சுவார்த்தை நடத்தினார்.
இப்பேச்சுவார்த்தைகள் மிகவும் பயனுள்ளதாக அமைந்ததாகக் குறிப்பிட்ட அவர், இரு நாடுகளுக்கும் இடையிலான நெருங்கிய கூட்டுறவை மீண்டும் உறுதிப்படுத்தினார்.
இந்தியப் பிரதமர் நரேந்திர மோடியின் வாழ்த்துகளைத் தெரிவித்த சிங், ஜனாதிபதி அநுரகுமார திஸாநாயக்கவின் அரசாங்கம் இரண்டு ஆண்டுகளை நிறைவு செய்தமைக்காகத் தனது வாழ்த்துகளையும் தெரிவித்தார்.
நாகரிக ரீதியாக இரட்டையர்களாகவும், நெருங்கிய அண்டை நாடுகளாகவும், கடல்சார் பங்காளிகளாகவும் திகழும் இந்தியாவும் இலங்கையும், தங்கள் நாடுகளின் மேம்பாட்டிற்காகவும் மக்களின் நலனுக்காகவும் இணைந்து செயல்படுவதில் தொடர்ந்து உறுதியுடன் இருப்பதாக அவர் வலியுறுத்தினார்.
இப்பகுதி முழுவதும் பாதுகாப்பு, சுகாதாரம், அமைதி மற்றும் வளம் சார்ந்த விவகாரங்களில் ஒத்துழைப்பதற்கான தங்கள் உறுதியை இரு தரப்பினரும் மீண்டும் உறுதிப்படுத்தியதாகப் பாதுகாப்புத் துறை அமைச்சர் குறிப்பிட்டார்.
இந்தியப் பாதுகாப்பு அமைச்சர் ராஜ்நாத் சிங் நேற்று இலங்கை வந்து சேர்ந்தார்.
இதன் மூலம் செப்டம்பர் 10 வரை நடைபெறவுள்ள அவரது மூன்று நாள் அதிகாரப்பூர்வ பயணம் தொடங்கியது.
