ஹராரேவில் ஞாயிற்றுக்கிழமை (26) நடைபெற்ற மூன்றாவதும், இறுதியுமான இறுதி டி20 சர்வதேசப் போட்டியில், போட்டியை நடத்தும் நாடான சிம்பாப்வேயை 35 ஓட்டங்கள் வித்தியாசத்தில் வீழ்த்திய இந்தியா, தொடரை 3-0 என்ற கணக்கில் முழுமையாகக் கைப்பற்றியது.
இந்தியா நிர்ணயித்த 193 ஓட்டங்கள் என்ற இலக்கை நோக்கி விளையாடிய சிம்பாப்வே அணி, தங்களுக்கு ஒதுக்கப்பட்ட 20 ஓவர்களில் 7 விக்கெட் இழப்புக்கு 157 ஓட்டங்களை மட்டுமே எடுத்தது.
இந்தியத் தரப்பில் மயங்க் யாதவ் மூன்று விக்கெட்டுகளையும், யாஷ் தாக்கூர் இரண்டு விக்கெட்டுகளையும் வீழ்த்தினர்.
முன்னதாக, முதலில் பேட்டிங் செய்யத் தீர்மானித்த இந்தியா, நிர்ணயிக்கப்பட்ட 20 ஓவர்களில் 5 விக்கெட் இழப்புக்கு 192 ஓட்டங்களை குவித்தது.
இதில் வைபவ் சூரவன்ஷி சிறப்பான ஆட்டத்தை வெளிப்படுத்தி, வெறும் 49 பந்துகளில் 81 ஓட்டங்களை விளாசினார்.
மறுபுறம் இஷான் கிஷன் 26 பந்துகளில் 29 ஓட்டங்களை சேர்த்தார்.
சிம்பாப்வே தரப்பில் பிராட் எவன்ஸ் இரண்டு விக்கெட்டுகளை வீழ்த்தினார்.
இதற்கிடையில், ஹராரேவில் சிம்பாப்வேக்கு எதிரான மூன்று போட்டிகள் கொண்ட தொடரை முழுமையாகக் கைப்பற்றியதன் மூலம், ஐசிசி ஆடவர் டி20 சர்வதேச (T20I) தரவரிசையில் இந்தியா மீண்டும் முதலிடத்தைப் பிடித்துள்ளது.
அண்மையில் 4-0 என்ற கணக்கில் தொடரை வென்று ஷ்ரேயாஸ் ஐயர் தலைமையிலான அணியைப் பின்னுக்குத் தள்ளி முதலிடத்தைப் பிடித்திருந்த இங்கிலாந்திடமிருந்து, நடப்பு டி20 உலக சாம்பியனான இந்தியா அந்த இடத்தைத் திரும்பப் பெற்றுள்ளமையும் குறிப்பிடத்தக்கது.
