இலங்கையில் தடைசெய்யப்பட்ட பிரமிட் திட்டத்தில் ஈடுபடும் நிறுவனங்களை உள்ளடக்கிய புதிய பட்டியலை இலங்கை மத்திய வங்கி வௌியிட்டுள்ளது.
1988 ஆம் ஆண்டின் 30 ஆம் இலக்க வங்கிச் சட்டத்தின் (திருத்தப்பட்ட) 83(C) பிரிவின் கீழ் மேற்கொள்ளப்பட்ட விசாரணைகளின் அடிப்படையில் இலங்கையில் தடைசெய்யப்பட்ட பிரமிட் திட்டத்தில் ஈடுபடும் நிறுவனங்களை உள்ளடக்கிய புதிய பட்டியலை உள்ளடக்கி இலங்கை மத்திய வங்கி அறிக்கை வெளியிட்டுள்ளது.
அதன்படி, ஆட்களைச் சேர்க்கும் அடிப்படையிலான திட்டங்கள் அல்லது நடைமுறைக்குச் சாத்தியமற்ற அதீத இலாபத்தை வழங்கும் திட்டங்களில் பணத்தை முதலீடு செய்வதைத் தவிர்க்குமாறும், இது தொடர்பில் மிகுந்த விழிப்புடன் இருக்குமாறும் இலங்கை மத்திய வங்கி பொதுமக்களை அறிவுறுத்தியுள்ளது.
இதேவேளை, எதிர்காலத்தில் ஏற்படக்கூடிய நிதி இழப்புகளைத் தவிர்ப்பதற்காக, எவ்வித முதலீடுகளையும் செய்வதற்கு முன்னர் குறித்த முதலீட்டு வாய்ப்புகளின் நம்பகத்தன்மை மற்றும் சட்டபூர்வமான தன்மையைப் பொதுமக்கள் கட்டாயம் உறுதிப்படுத்திக் கொள்ள வேண்டும் எனவும் இலங்கை மத்திய வங்கி குறிப்பிட்டுள்ளது.
தடைசெய்யப்பட்ட பிரமிட் திட்டத்துடன் தொடர்புடைய சட்டவிரோத நிறுவனங்கள் தொடர்பான பட்டியலின்படி, Tiens Lanka Health Care (Pvt) Ltd , Best Life International (Pvt) Ltd , Mark – Wo International (Pvt) Ltd ,
V M L International (Pvt) Ltd , Global Lifestyle Lanka (Pvt) Ltd , Fast3Cycle International (Pvt) Ltd, Sport Chain App and Sport , Chain ZS Society Sri Lanka , OnmaxDT , MTFE App, MTFE SL Group, MTFE Success Lanka and MTFE DSCC Group , Fastwin (Pvt) Ltd , Fruugo Oline App / Fruugo Oline (Pvt) Ltd , Ride to Three Freedom (Pvt) Ltd , Qnet / Questnet , Era Miracle (Pvt) Ltd and Genesis Business School , Ledger Block , Isimaga International (Pvt) Ltd , Beecoin App and Sunbird Foundation , Windex Trading , The Enrich Life (Pvt) Ltd , Smart Win Entrepreneur (Pvt) Ltd , Net Fore International (Pvt) Ltd / Netrrix ,
Pro Care (Pvt) Ltd and Shade of Procare (Pvt) Ltd , SGO / sgomine.com, I.C.A.N. Advertising (Pvt) Ltd and its affiliated platforms ,
Infinity Rover (Pvt) Ltd , TM App என்பன தடைசெய்யப்பட்டுளள்ன.
