எரிபொருள் விலைகள் அண்மையில் உயர்த்தப்பட்ட போதிலும், பேருந்து கட்டணங்கள் திருத்தப்படமாட்டாது என்று இலங்கை தனியார் பேருந்து உரிமையாளர்கள் சங்கம் (LPBOA) தெரிவித்துள்ளது.
எரிபொருள் விலை உயர்வு, பேருந்து கட்டண திருத்த சூத்திரத்தின் கீழ் தேவைப்படும் 4 சதவீத அளவை எட்டவில்லை என்றும், எனவே இந்த கட்டத்தில் கட்டணத்தை உயர்த்துவது சாத்தியமில்லை என்றும் அச்சங்கத்தின் தலைவர் கெமுனு விஜயரத்ன தெரிவித்தார்.
இருப்பினும், பேருந்துத் துறை ஏற்கனவே நஷ்டத்தில் இயங்கி வருவதாகவும், குறுகிய தூரச் சேவைகளில் நாளொன்றுக்கு சுமார் 1,000 ரூபாயும், நீண்ட தூரச் சேவைகளில் 2,000 ரூபாயும் நஷ்டம் ஏற்படுவதாகவும் அவர் குறிப்பிட்டார்.
