ராவல்பிண்டி ரிங் வீதி திட்டத்தில் ஊழல்- பிரதமர் இம்ரான் கான் உள்ளிட்ட அனைவரும் பதவி துறக்க வேண்டுமென வலியுறுத்தல்

ராவல்பிண்டி ரிங் வீதி திட்டத்தில் பல பில்லியன் மோசடியில் ஈடுபட்டதாகக் கூறப்படும் பிரதமர் இம்ரான் கான், பஞ்சாப் முதலமைச்சர் உஸ்மான் புஸ்டார், பிரதமரின் உள்துறை ஆலோசகர் ஷாஜாத் அக்பர் மற்றும் அனைத்து அமைச்சர்களும் விசாரணையை நிறைவடையும் வரை பதவியை இராஜினாமா செய்ய வேண்டமென பி.எம்.எல்-என் மற்றும் பி.பி.பி ஆகியன கோரியுள்ளன.

இதேவேளை முன்னாள் பிரதமர் ஷாஹித் ககான் அப்பாஸி, இந்த ஊழலில் ஈடுபட்டவர்களை அரசாங்கம் பாதுகாக்கிறது என்றும் பிரதமர் மாளிகையிலுள்ள அனைவரும் பணம் சம்பாதிப்பதில் மும்முரமாக இருக்கின்றனர் என்றும் குற்றம் சுமத்தினார்.

ஊடக சந்திப்பொன்றில் கலந்துகொண்டு கருத்து தெரிவிக்கும்போதே அவர் இவ்வாறு குற்றம் சுமத்தியுள்ளார்.

குறித்த ஊடக சந்திப்பில் ஷாஹித் ககான் அப்பாஸி மேலும் கூறியுள்ளதாவது, “பி.எம்.எல்.என் தலைவரும், தேசிய சட்டமன்றத்தில் எதிர்க்கட்சித் தலைவருமான ஷெபாஸ் ஷெரீப் மீதான ஊழல் அல்லது பணமோசடி குற்றச்சாட்டு இதுவரை நிரூபிக்கப்படவில்லை.

மேலும் நாட்டின் நீதியில் இரட்டைத் தரங்கள் காணப்படுகின்றன. ஊழல் நிரூபிக்கப்படவில்லை என்ற போதிலும் ஷாபாஸ் ஷெரீப் மற்றும் அஹ்சன் இக்பால் ஆகியோர் சிறைத் தண்டனை அனுபவித்திருந்தனர். ஆனால் இதுவரை ரிங் வீதி திட்டத்தில் எவரும் கைது செய்யப்படவில்லை.

இதேவேளை பி.எம்.எல்.என் தலைவர் சுல்பி பொகாரி ஏன் இராஜினாமா செய்தார்? அதேசமயம் அவர் கைது செய்யப்பட்டிருக்க வேண்டும்.

பிரதமர் மாளிகையில் அமர்ந்திருந்த அனைத்து சிறப்பு உதவியாளர்களும் பணம் சம்பாதித்து வருகின்றனர். பாகிஸ்தானில் பங்குகள் இல்லாததால், அரசாங்கம் முடிந்தவுடன் முதல் விமானத்தை பிடித்து நாட்டை விட்டு வெளியேறுகின்றனர்” என அவர் சுட்டிக்காட்டினார்.

மேலும் NAB வழக்குரைஞரின் கூற்றுப்படி, ஷெபாஸுக்கு எதிராக ஊழல் வழக்கு எதுவும் இல்லை. ஆனாலும் அவர் இன்னும் 15 மாதங்கள் சிறையில் கழித்தார்.அதாவது அரசாங்கத்தில் பில்லியன் கணக்கான ரூபாய் ஊழலைக் காண முடியாததால் ஒரு நாள் என்.ஏ.பி தலைவரும் இவ்விடயத்துக்கு பதிலளிக்க வேண்டி ஏற்படும் என்றார்.

இதற்கிடையில், பி.பி.பி.பொதுச்செயலாளர் நய்யர் உசேன் புகாரி, ஊழலை ஒழிப்பதாகக் கூறிய இம்ரான் கான் ஊழல் கூறுகளுக்கு உதவுபவராக மாறியுள்ளதாகவும், ஆட்சியாளர் எங்கே தூங்குகிறார் என்று கேட்டு, மக்களிடம் நியாயப்படுத்தப்படுவதாகவும் குற்றம் சாட்டினார்.

மேலும் அரசாங்கத்தின் பாரிய மோசடி அம்பலமாகியுள்ளதாகவும் அரசாங்கத்தின் ஒவ்வொரு மோசடிக்கும் பின்னால் இம்ரான் கானின் நெருங்கிய கூட்டாளிகள் மற்றும் அன்பானவர்கள் காணப்பட்டதாகவும் புகாரி கூறினார்.

அத்துடன் ராவல்பிண்டி ரிங் சாலையின் பல பில்லியன் ரூபாய் மோசடி தற்போதைய அரசாங்கத்தின் பாரிய மோசடிகளில் ஒன்றாகும் என்று அவர் கூறினார்.

ராவல்பிண்டி ரிங் ரோடு ஊழல்: பி.எம்.எல்-என், பிபிபி பிரதமர், பஞ்சாப் முதல்வரை விசாரணை முடியும் வரை பதவி விலகுமாறு கேட்டுக்கொள்கிறது