ஆஸ்திரியா புதிய அதிபர் அலெக்சாண்டர் ஷாலென்பெர்க், பதவியேற்ற இரண்டு மாதங்களில் தனது பதவியை இராஜிநாமா செய்துள்ளார்.
ஊழல் குற்றச்சாட்டுகள் எழுந்ததைத் தொடர்ந்து அதிபர் அலெக்சாண்டர் ஷாலென்பெர்க், நேற்று (வியாழக்கிழமை) தனது பதவியை துறந்தார்.
இதுகுறித்து அவர் கூறுகையில், ‘ஆஸ்திரியாவில் அதிக வாக்குகளைப் பெற்ற அரசாங்கத்தின் தலைவர் மற்றும் கட்சியின் தலைவர் ஆகிய இரண்டு பதவிகளும் விரைவில் ஒரு கைக்குள் இணைக்கப்பட வேண்டும் என்பதில் நான் உறுதியாக இருக்கிறேன்’ என கூறினார்.
சந்தேகிக்கப்படும் லஞ்சம் மற்றும் நம்பிக்கை மீறல் தொடர்பான விசாரணையின் இலக்குகளில் குர்ஸ் ஒருவர் என்று ஆஸ்திரிய வழக்கறிஞர்கள் அறிவித்தனர். குர்ஸின் அரசாங்கத்தில் இளைய கூட்டணிப் பங்காளிகளான பசுமைவாதிகள் அவரை மாற்றக் கோரினர்.
இதனிடையே கன்சர்வேடிவ் ஆஸ்திரிய மக்கள் கட்சி, புதிய தலைவரை அறிவித்தவுடன் தான் பதவியில் இருந்து விலகுவதாக முன்னாள் வெளியுறவு அமைச்சர் ஷால்லென்பெர்க் கூறினார்.
முன்னாள் அதிபர் செபாஸ்டியன் கர்ஸ் ராஜிநாமாவைத் தொடர்ந்து, கடந்த ஒக்டோபர் மாதம் புதிய அதிபராக அலெக்சாண்டர் ஷாலென்பெர்க் பதவியேற்றிருந்தார் என்பது குறிப்பிடத்தக்கது.
ஆஸ்திரியா மக்கள் கட்சித் தலைவராக இருக்கும் முன்னாள் அதிபர் செபாஸ்டியன் கர்ஸ், தனது குடும்பத்தினருடன் கூடுதல் நேரத்தை செலவிடும் வகையில் அரசியலைவிட்டே விலகுவதாக அறிவித்தார்.
இதையடுத்து, நாட்டின் உட்துறை அமைச்சராக இருக்கும் கார்ல் நெஹாமர், ஆஸ்திரியா மக்கள் கட்சியின் தலைவராகவும், அதிபர் பொறுப்பையும் ஏற்க வாய்ப்புள்ளதாக அந்நாட்டு ஊடகங்கள் செய்தி வெளியிட்டுள்ளன.
