இசக்கி கார்வண்ணன் எழுதி இயக்கியிருக்கும் ‘தமிழ்க்குடிமகன்’ திரைப்படத்தில், கதாநாயகனாக இயக்குர் மற்றும் நடிகர் சேரன் நடித்துள்ளார்.
இதில் சேரனுடன் ஸ்ரீபிரியங்கா, லால், தீபா, வேல ராமமூர்த்தி உள்ளிட்டோர் நடிக்கின்றனர். இவர்களுடன் மலையாள நடிகர் லால், இயக்குநரும், நடிகருமான எஸ். ஏ. சந்திரசேகர், துருவா உள்ளிட்ட பலர் நடித்திருக்கிறார்கள்.
ராஜேஷ் யாதவ் ஒளிப்பதிவு செய்ய, சாம் சிஎஸ் இசையமைக்கிறார். இப்படத்தை லக்ஷ்மி கிரியேஷன்ஸ் நிறுவனம் தயாரிக்கிறது.
இப்படத்தின் ஃபர்ஸ்ட்லுக் போஸ்டரை சமீபத்தில் ஆட்டோ ஓட்டுனர்கள், தூய்மை பணியாளர்கள், துணை நடிகர் நடிகைகள் ஆகியோர் வெளியிட்டனர்.
இந்நிலையில், ‘தமிழ்க்குடிமகன்’ திரைப்படத்தின் டீசர் நாளை மாலை 6 மணிக்கு வெளியாகும் என சேரன் தனது சமூக வலைதளத்தில் போஸ்டர் ஒன்றை வெளியிட்டு அறிவித்துள்ளார்.
