கிழக்கு ஆப்ரிக்க நாடான மலாவியை தாக்கிய ஃப்ரெடி புயலால் உயிரிழந்தவர்களின் எண்ணிக்கை 190 ஆக அதிகரித்துள்ளது.
தென்கிழக்கு ஆபிரிக்க நாடுகளில் பெரும் பாதிப்பை ஏற்படுத்தியுள்ள ஃப்ரெடி புயல், ஒரே மாதத்தில் 2வது முறையாக மொஸாம்பிக் அருகே கரையைக் கடந்தது.
இதனால், அங்கு சூறைக்காற்றுடன் கனமழை பெய்தது. அண்டை நாடான மாலாவியையும் இந்த புயல் கடுமையாக தாக்கியது.
பல்வேறு பகுதிகளில் மண்சரிவுகள் ஏற்பட்டு வீடுகள் அடித்துச் செல்லப்பட்டன.
மழை வெள்ளம் மற்றும் நிலச்சரிவில் சிக்கி 190 பேர் வரை உயிரிழந்த நிலையில், சவக்கிடங்கில் உறவினர் உடல்களை அடையாளம் காண, மழையிலும் நீண்ட வரிசையில் மக்கள் காத்திருந்தனர்.
