7-வது ஆசிய சாம்பியன்ஸ் கோப்பை ஹாக்கி போட்டி தொடரின் அரையிறுதி போட்டிகள் இன்று இடம்பெறவுள்ளன.
இன்று மாலை 6 மணிக்கு நடைபெறும் முதல் அரையிறுதியில் மலேசியா, நடப்பு சாம்பியன் தென் கொரியா அணிகள் மோதுகின்றன.
மேலும் இரவு 8.30 க்கு இடம்பெறவுள்ள இரண்டாவது அரையிறுதிப் போட்டியில் இந்தியா மற்றும் ஜப்பான் ஆகிய அணிகள் மோதவுள்ளன.
குறித்த போட்டிகள் சென்னை எழும்பூரில் உள்ள மேயர் ராதாகிருஷ்ணன் விளையாட்டரங்கில் இடம்பெறவுள்ளன.
6 நாடுகள் பங்கேற்ற இந்த தொடரில் நேற்று முன்தினத்துடன் லீக் ஆட்டங்கள் முடிவடைந்தன.
லீக் சுற்றுகளின் முடிவில் இந்தியா முதல் இடத்தையும், மலேசியா 2-வது இடத்தையும் தென் கொரியா 3-வது இடத்தையும், ஜப்பான் 4-வது இடத்தையும் பிடித்து அரையிறுதிக்கு முன்னேறியுள்ளமை குறிப்பிடத்தக்கது.
