லைகா புரொடக்ஷன் தயாரிப்பில் ஐஸ்வர்யா ரஜினிகாந்த் இயக்கும் லால் சலாம் திரைப்படத்தில் சூப்பர் ஸ்டார் சிறப்பு கதாபாத்திரத்தில் நடிக்கின்றார்.
இந்த திரைப்படம் பொங்கலுக்கு வெளியாகவுள்ள நிலையில் அண்மையில் சூப்பர் ஸ்டாரின் பிறந்த நாளுக்கு படக்குழுவினர் கிளிம்ப்ஸ் வீடியோவை வெளியிட்டிருந்தனர். ரஹ்மான் இசையமைக்கும் இந்த படத்தின் முதல் பாடலை நேற்றைய தினம் படக்குழு வெளியிட்டுள்ளது.
தேர் திருவிழா என்று பெயரிடப்பட்டுள்ள இந்த பாடலை சங்கர் மஹாதேவன் , ஏ ஆர் ரைஹானா, தீப்தி சுரேஷ், யோகி சேகர் ஆகியோரட இணைந்து பாடியுள்ளனர். இந்த பாடலில் நகைச்சுவை நடிகர் செந்தில் நடனமாடும் காட்சிகள் என்பன மிகவும் அழகாக காட்டப்பட்டுள்ளது
