அமெரிக்க ஜனாதிபதி தேர்தலில் டெனால்ட் ட்ரம்பின் வெற்றியுடன் சர்வதேச சந்தையில் தங்கத்தின் விலையானது ஒரே இரவில் 2% சரிந்தது.
அதன்படி, சர்வதேச சந்தையில் ஒரு அவுண்ஸ் தங்கத்தின் விலையானது இன்று (07) 2,655.31 அமெரிக்க டொலர்களாக காணப்படுகின்றது.
புதன்கிழமை அந்த விலையானது 2,737.33 அமெரிக்க டொலர்களாக இருந்தது.
இது கடந்த மூன்று வாரங்களில் தங்கத்தின் விலையானது 2,700 அமெரிக்க டொலர்களுக்கு கீழ் பதிவான முதல் சந்தர்ப்பமாகும்.
இதேவேளை, கொழும்பு, செட்டியார் தெருவின் விலை நிலவரங்களுக்கு அமைவாகவும் தங்கத்தின் விலையானது நேற்றைய தினத்துடன் ஒப்பிடுகையில் இன்று கணிசமாக குறைந்துள்ளது.
24 கரட் தங்கம் ஒரு பவுண் 215,000 ரூபாவாகவும், 22 கரட் தங்கம் ஒரு பவுண் 198,500 ரூபாவாகவும் உள்ளதாக அகில இலங்கை நகைகள் விற்பனையாளர் சங்கப் பொருளாளர் ஆர்.பாலசுப்ரமணியம் தெரிவித்துள்ளார்.
நேற்றைய தினம் 24 கரட் தங்கம் ஒரு பவுண் 218,000 ரூபாவாகவும், 22 கரட் தங்கம் ஒரு பவுண் 201,000 ரூபாவாகவும் காணப்பட்டிருந்தது.
