மாலையாள திரைப்படத்தின் முன்னணி சூப்பர்ஸ்டார்களான மம்முட்டி மற்றும் மோகன்லால் இணைந்து நடிக்கும் புதிய திரைப்படத்தின் படப்பிடிப்பானது நவம்பர் 19 ஆம் திகதி இலங்கையில் ஆரம்பமானது.
இரண்டு தசாப்தங்களின் பின்னர் மோகன்லாலும் மம்முட்டியும் ஒரு படத்தில் இணைந்துள்ளதால் மாலிவுட் ரசிகர்களுக்கு ஒரு வரலாற்று தருணம்.
மிகவும் எதிர்பார்க்கப்பட்ட இன்னும் பெயரிடப்படாத இந்த திரைப்படத்தில் இவர்கள் மட்டுமின்றி ஃபகத் பாசில், குஞ்சாக்கோ போபன் மற்றும் நயன்தாரா ஆகியோரும் நடிக்கின்றனர்.
மகேஷ் நாராயணன் இயக்கும் இப்படம் மலையாள திரையுலகின் மிகப்பெரிய படங்களில் ஒன்றாக இருக்கும் எனற எதிர்பார்க்கப்படுகிறது.
அண்மையில், மோகன்லால் இலங்கைக்கு பயணம் மேற்கொண்டு படப்பிடிப்பில் சக நடிகர்களான மம்முட்டி மற்றும் குஞ்சாக்கோ போபன் ஆகியோருடன் இணைந்தார்.
இந்த நிகழ்வை இணை தயாரிப்பாளர் சுபாஷ் ஜார்ஜ் மானுவல் ஆரம்பித்து வைத்தார்.
இப்படத்தின் படப்பிடிப்பு இலங்கை, லண்டன், அபுதாபி, அஜர்பைஜான், தாய்லாந்து, விசாகப்பட்டினம், ஹைதராபாத், டெல்லி மற்றும் கொச்சி உள்ளிட்ட பல்வேறு இடங்களில் 150 நாட்கள் நடைபெறவுள்ளது.
