குஜராத் சுசுகி ஆலையில் மின்சார கார் உற்பத்தியை தொடங்கி வைத்தார் மோடி!

அகமதாபாத்தின் ஹன்சல்பூரில் உள்ள சுசுகியின் மோட்டார் ஆலையில், சுசுகியின் முதல் உலகளாவிய மூலோபாய பேட்டரி மின்சார வாகனம் (BEV) ‘e-VITARA’வை இந்தியப் பிரதமர் நரேந்திர மோடி இன்று (26) கொடியசைத்து தொடங்கி வைத்தார்.

இந்த நிகழ்வு குஜராத் முதல்வர் பூபேந்திர படேல் மற்றும் ஜப்பான் தூதர் கெய்ச்சி ஓனோ முன்னிலையில் நடந்தது.

இந்தியாவில் தயாரிக்கப்பட்ட BEVகள், ஐரோப்பா மற்றும் ஜப்பான் போன்ற மேம்பட்ட சந்தைகள் உட்பட நூற்றுக்கும் மேற்பட்ட நாடுகளுக்கு ஏற்றுமதி செய்யப்படும்.

இந்த மைல்கல்லுடன், இந்தியா இப்போது சுசுகியின் மின்சார வாகனங்களுக்கான உலகளாவிய உற்பத்தி மையமாக செயல்படும்.

கடந்த ஆண்டு இறுதியில் ஐரோப்பாவில் முதன்முதலில் உலகளவில் அறிமுகப்படுத்தப்பட்ட இ-விட்டாரா, இந்தியாவில் பாரத் மொபிலிட்டி ஷோ 2025 இல் காட்சிப்படுத்தப்பட்டது.

இது டொயோட்டாவுடன் இணைந்து உருவாக்கப்பட்ட 40PL பிரத்யேக EV தளத்தில் கட்டமைக்கப்பட்டுள்ளது.