தமிழக வெற்றிக்கழக (த.வெ.க – TVK) தலைவர் விஜயின் கரூர் பரப்புரை கூட்டத்தின் போது ஏற்பட்ட கூட்ட நெரிசலில் சிக்கி குறைந்தது 31 பேர் உயிரிழந்துள்ளதாக தமிழக செய்திகள் தெரிவித்துள்ளன.
அரசு மருத்துவமனையில் கரூர் மாவட்ட ஆட்சியர் தங்கவேலுவுடன் செய்தியாளர்களை சந்தித்த முன்னாள் அமைச்சரும், சட்டமன்ற உறுப்பினருமான செந்தில் பாலாஜி, “குழந்தைகள் உள்பட 31 பேர் உயிரிழந்துள்ளனர்.” என அறிவித்துள்ளார்.
தமிழக வெற்றிக் கழகத்தின் தலைவர் விஜய் இன்று (27.09.25) கரூர் வேலுச்சாமிபுரத்தில் பரப்புரை மேற்கொண்டார்.
இந்த கூட்டத்திற்கு ஏராளமான மக்கள் கூடியிருந்தனர். அப்போது கூட்ட நெரிசலில் தள்ளு முள்ளு ஏற்பட்டதாக கூறப்படுகிறது. கூட்ட நெரிசலில் பெண்கள், குழந்தைகள் உள்ளிட்ட பலர் மயக்கமடைந்துள்ளதோடு வைத்தியசாலையில் பலர் அனுமதிக்கப்பட்டுள்ளதாக தெரிவிக்கப்படுகிறது.
