அமெரிக்க ஜனாதிபதி Donald Trump தொடர்பான பல முக்கிய வழக்குகளில் உச்ச நீதிமன்றத்தின் அண்மைய நடவடிக்கைகள் அரசியல் மற்றும் சட்ட ரீதியாக கவனம் பெற்றுள்ளன.
நேற்றுவெளியான முக்கிய தீர்ப்புகள் குறித்து Mark Stone மற்றும் David Blevins ஆய்வு செய்துள்ளனர். இதில், எழுத்தாளர் E. Jean Carroll தொடர்ந்த பாலியல் துஷ்பிரயோகம் மற்றும் அவதூறு வழக்கில் ட்ரம்பின் மேன்முறையீட்டை விசாரிக்க உச்ச நீதிமன்றம் மறுத்துள்ளது.
இதன் மூலம், கீழமை நீதிமன்றம் வழங்கிய சிவில் தீர்ப்பு தொடர்ந்தும் அமுலில் இருக்கும். அந்த தீர்ப்பில், ட்ரம்ப் பாலியல் துஷ்பிரயோகம் மற்றும் எழுத்தாளரை அவதூறாக பேசியதற்காக பொறுப்புக்கூற வேண்டும் என தீர்மானிக்கப்பட்டிருந்தது.
மேலும், அஞ்சல் மூலம் வாக்களிக்கும் நடைமுறை (mail-in ballots) தொடர்பான வழக்கிலும் ட்ரம்புக்கு சாதகமான முடிவு கிடைக்கவில்லை என தெரிவிக்கப்பட்டுள்ளது.
இதற்கிடையில், குடியேற்றம் தொடர்பான வழக்கில், ஹெய்டி மற்றும் சிரியாவைச் சேர்ந்த பல குடியேற்றவாசிகளுக்கு வழங்கப்பட்டிருந்த தற்காலிக பாதுகாப்பு நிலையை (Temporary Protected Status) அரசாங்கம் நீக்குவதற்கு அனுமதி வழங்கிய தீர்ப்பும் கவனம் பெற்றுள்ளது.
அமெரிக்க உச்ச நீதிமன்றத்தின் தற்போதைய அமர்வின் இறுதி நாள் நெருங்கி வரும் நிலையில், பிறப்புரிமை குடியுரிமை (birthright citizenship) உள்ளிட்ட மேலும் பல முக்கிய வழக்குகளின் தீர்ப்புகள் எதிர்பார்க்கப்படுகின்றன.
ஒரே காலகட்டத்தில் பல முக்கிய தீர்ப்புகள் வெளியாகுவதற்கான காரணம், உச்ச நீதிமன்றம் தனது ஆண்டு அமர்வு முடிவடையும் முன் நிலுவையில் உள்ள வழக்குகளுக்கு தீர்வு வழங்கும் நடைமுறையாகும் என சட்ட நிபுணர்கள் தெரிவிக்கின்றனர்.
