இலங்கையை அண்மித்திருந்த வளிமண்டலக் கீழடுக்குக் குழப்பநிலை நாட்டை விட்டு விலகிச் செல்கிறது.
எனவே, அதன் தாக்கம் படிப்படியாகக் குறையும் என எதிர்பார்க்கப்படுகிறது.
மேல், சப்ரகமுவ, மத்திய மற்றும் தென் மாகாணங்களில் அவ்வப்போது மழையோ அல்லது இடியுடன் கூடிய மழையோ பெய்யக்கூடும்.
சில இடங்களில் சுமார் 75 மி.மீ வரையான ஓரளவு பலத்த மழை பெய்ய வாய்ப்புள்ளதாக வளிமண்டலவியல் திணைக்களம் எதிர்வு கூறியுள்ளது.
பிற்பகல் 1.00 மணிக்குப் பின்னர் ஊவா, கிழக்கு மற்றும் வடமத்திய மாகாணங்களிலும் முல்லைத்தீவு மாவட்டத்திலும் பல இடங்களில் மழையோ அல்லது இடியுடன் கூடிய மழையோ பெய்யக்கூடும்.
இடியுடன் கூடிய மழையின் போது ஏற்படும் தற்காலிகமான பலத்த காற்று மற்றும் மின்னல் தாக்கங்களால் ஏற்படக்கூடிய பாதிப்புகளைக் குறைப்பதற்குத் தேவையான முன்னெச்சரிக்கை நடவடிக்கைகளை மேற்கொள்ளுமாறு பொதுமக்கள் கேட்டுக்கொள்ளப்படுகிறார்கள்.
காற்று:
காற்று தென்மேற்கு திசையிலிருந்தோ அல்லது மாறி வீசும் திசையிலிருந்தோ வீசக்கூடும்.
காற்றின் வேகம் மணிக்கு 25 முதல் 35 கி.மீ வரை இருக்கும்.
காலி முதல் பொத்துவில் வரை (மாத்தறை மற்றும் அம்பாந்தோட்டை வழியாக) உள்ள கடல் பகுதிகளில், காற்றின் வேகம் அவ்வப்போது மணிக்கு 50 கி.மீ வரை அதிகரிக்கக்கூடும்.
கடல் நிலை:
காலி முதல் பொத்துவில் வரை (மாத்தறை மற்றும் அம்பாந்தோட்டை வழியாக) உள்ள கடல் பகுதிகள் அவ்வப்போது ஓரளவு கொந்தளிப்பாகக் காணப்படும்.
இடியுடன் கூடிய மழையின் போது தற்காலிகமாக பலத்த காற்று வீசக்கூடும் மற்றும் கடல் மிகவும் கொந்தளிப்பாக இருக்கக்கூடும்.
