சிறைச்சாலைகள் கட்டளைச் சட்டத்தின் கீழ் உருவாக்கப்பட்டுள்ள விதிமுறைகள் மற்றும் நிலையான உத்தரவுகளைப் புதுப்பிப்பதற்காக நியமிக்கப்பட்ட விசேட குழுவின் முதலாவது கூட்டம் நேற்று (09) பிற்பகல் ஜனாதிபதி செயலகத்தில் நடைபெற்றது.
ஜனாதிபதி அநுரகுமார திஸாநாயக்கவுக்கும் மூன்று பீடங்களையும் பிரதிநிதித்துவப்படுத்தும் மகா சங்கத்தினருக்கும் இடையில் கடந்த ஒக்டோபர் 8 ஆம் திகதி நடைபெற்ற கலந்துரையாடலில் எடுக்கப்பட்ட தீர்மானத்திற்கு அமைய இந்தக் குழு நியமிக்கப்பட்டுள்ளது.
குழுவின் தலைவரும் புத்தசாசன, சமய மற்றும் கலாசார அலுவல்கள் அமைச்சின் செயலாளருமான பிரின்ஸ் சேனாதீர தலைமையில் நடைபெற்ற இக்கூட்டத்தில், நீதி மற்றும் தேசிய ஒருமைப்பாட்டு அமைச்சின் மேலதிக செயலாளர் பியுமந்தி பீரிஸ், பொது நிர்வாகம், மாகாண சபைகள் மற்றும் உள்ளூராட்சி அமைச்சின் மேலதிக செயலாளர் வசந்த ஆரியரத்ன, பௌத்த அலுவல்கள் ஆணையாளர் நாயகம் ஆர்.எம்.ஜி. சேனரத்ன மற்றும் சிறைச்சாலைகள் திணைக்களத்தின் ஆணையாளர் ஏ.சி. கஜநாயக்க ஆகியோர் கலந்துகொண்டனர்.
இதன்போது, குழுவின் செயற்பாடுகளுக்கு நீதி மற்றும் தேசிய ஒருமைப்பாட்டு அமைச்சர், சட்டத்தரணி ஹர்ஷன நாணயக்கார கொள்கை வழிகாட்டல்களை வழங்கியுள்ளார்.
