பாதுகாப்பு கவலைகளை கருத்திற்க் கொண்டு சவுதி அரேபியாவின் தமாம் மற்றும் கொழும்புக்கு இடையிலான அனைத்து விமான சேவைகளையும் எதிர்வரும் ஒக்டோபர் 18 வரை இடைநிறுத்துவதாக ஸ்ரீலங்கன் ஏர்லைன்ஸ் நிறுவனம் அறிவித்துள்ளது.
தற்போதைய பாதுகாப்புச் சூழலைக் கருத்தில் கொண்டே இந்த முடிவு எடுக்கப்பட்டதாகவும், பயணிகள் மற்றும் விமானக் குழுவினரின் பாதுகாப்பே தங்களுக்கு மிக முக்கியமானது என்றும் அந்த நிறுவனம் வெளியிட்ட அறிக்கையில் தெரிவித்துள்ளது.
சூழ்நிலை மதிப்பீடு செய்யப்பட்டு, வணிக ரீதியான விமானச் சேவைகளை மேற்கொள்வதற்கு ஏற்ற சூழல் நிலவுவதாகக் கருதப்பட்டவுடன் விமான சேவைகள் மீண்டும் தொடங்கப்படும் என்றும் நிறுவனம் கூறியுள்ளது.
மேலதிக தகவல்களைப் பெற விரும்பும் பயணிகள், இலங்கைக்குள் 1979 என்ற எண்ணிலோ அல்லது சர்வதேச அழைப்புகளுக்கு +94 11 777 1979 என்ற எண்ணிலோ விமான நிறுவனத்தின் அவசரத் தொடர்பு சேவையைத் (hotline) தொடர்பு கொள்ளலாம்.
மேலும், +94 74 444 1979 என்ற எண்ணில் வாட்ஸ்அப் (செய்தி பரிமாற்றம் மட்டும்) மூலமாகவோ, பயண முகவர்கள் மூலமாகவோ அல்லது நிறுவனத்தின் அதிகாரப்பூர்வ இணையதளமான www.srilankan.com மூலமாகவோ உதவிகளைப் பெறலாம்.
