ஹீத்ரோ விமான நிலையத்தில் மூன்றாவது ஓடுபாதை அமைப்பது “எப்போதும் வளர்ச்சிக்கான ஒரு காரணமாகவே இருந்து வந்துள்ளது” என நிதி அமைச்சர் ஜோன் ஹீலி ( John Healey) கூறியுள்ளார்.
இருப்பினும் இவ் விரிவாக்கத் திட்டத்துக்கு பிரதமர் தனது ஆதரவைத் தெரிவிக்கிறாரா என்பதை கூற அவர் மறுத்துள்ளார்.
பெங்கொங்கில் இடம்பெற்ற சர்வதேச நாணய நிதியத்தின் (IMF) கூட்டத்தின் போதே அவர் இதனை கூறியுள்ளார் .
அண்மைய தசாப்தங்களில் ஹீத்ரோ உள்ளிட்ட விமான நிலைய விரிவாக்கம் “வேலைவாய்ப்புகள் மற்றும் வளர்ச்சியின் ஒரு பெரிய பகுதியாக” இருந்துள்ளது எனவும் நிதி அமைச்சர் சுட்டிக்காட்டியுள்ளார்.
பிரிட்டனின் மிகவும் பரபரப்பான விமான நிலையமான ஹீத்ரோவில் மூன்றாவது ஓடுபாதையை அமைக்காதது ஒரு “மிகப்பெரிய வாய்ப்பை நழுவ விடுவதாக” இருக்கும் என அதன் தலைமை நிர்வாகி இந்த வாரத் தொடக்கத்தில் தெரிவித்திருந்தார்.
இதேநேரம் ஹீத்ரோவில் மூன்றாவது ஓடுபாதை அமைப்பது பல தசாப்தங்களாக விவாதிக்கப்பட்டு வருகிறது, இந்தத் திட்டம் உள்ளூர்வாசிகள், அரசியல்வாதிகள் மற்றும் சமூக ஆர்வலர்களிடமிருந்து கடுமையான எதிர்ப்பைச் சந்தித்து வருகிறது.
