ரஷ்யாவின் ‘ஸ்பூட்னிக் வி’ தடுப்பூசியை பிரான்ஸ், இத்தாலி மற்றும் ஸ்பெயின் ஆகிய நாடுகளில் தயாரிப்பதற்கு அனுமதி பெற்றுள்ளதாக ரஷ்யாவின் இறையாண்மை நிதியமான RDIF (Le Fonds souverain russe) தெரிவித்துள்ளது.
இதில் பெருமளவான தாயரிப்புகள் பிரான்சில் மேற்கொள்ளப்படும் எனவும் இந்த ஆய்வுகூடங்களில் தயார் செய்யப்படுபவை ஐரோப்பாவின் தேவைகளிற்கு மட்டுமே பயன்படுத்தப்படும் எனவும் தெரிவிக்கப்பட்டுள்ளது.
இதுகுறித்து ரஷ்யாவின் இறையாண்மை நிதியமான RDIFஇன் தலைவர் கிரில் டிமிட்ரிவ் கூறுகையில், ‘மேலதிகப் பேச்சுவார்த்தைகள் நடாத்தப்பட்டுள்ளன. ஐரோப்பிய ஒன்றியத்தின் மருந்துப் பாதுகாப்பு நிறுவனத்தின் அங்கீகாரம் வழங்கப்பட்டவுடன், ஐரோப்பாவிற்கு மட்டுமான தேவைகள் பெருமளவில் நிறைவு செய்யபடும்’ என கூறினார்.
முன்னதாக ரஷ்யாவின் ‘ஸ்பூட்னிக் வி’ தடுப்பூசியைமற்றநாடுகள் கொள்வனவு செய்வதைத்தடுக்க வேண்டும் என்றும், ஆபிரிக்க நாடுகளிற்கான மொடர்னா, அஸ்ராஸெனகா போன்ற கொரோனாத் தடுப்பூசிகளை உடனடியாக வழங்கவேண்டும், தவறினால் அவர்கள் ரஷ்யாவிடம் வாங்கி விடுவார்கள் என ஐரோப்பிய ஒன்றியத்துடன் இணைந்து பிரான்ஸ் கூறியிருந்தமை குறிப்பிடத்தக்கது.
