நாட்டில் காணப்படும் போக்குவரத்து வசதிகளை அதிகரிப்பதற்காக சுமார் 2 ஆயிரம் பேருந்துகள் சேவையில் ஈடுபடுத்தப்பட்டிருப்பதாக இலங்கை போக்குவரத்துச் சபையின் தலைவர் சட்டத்தரணி கிங்ஸ்லி ரணவக்க தெரிவித்துள்ளார்.
கடந்த வெள்ளிக்கிழமை முதல் விசேட போக்குவரத்து சேவை நடைமுறைப்படுத்தப்பட்டிருக்கின்றது. தூர இடங்களுக்கான சேவைக்காக சுமார் 800 பஸகள் சேவையில் ஈடுபடுத்தப்பட்டிருக்கின்றன.
குறித்த பேருந்துகள் உணவிற்காக நிறுத்தும் உணவகங்களில் சுகாதார வழிமுறைகள் பின்பற்றப்படுகின்றனவா என்பது பற்றி ஆராய்வதற்கு விசேட வேலைத்திட்டம் நடைமுறைப்படுத்தப்பட்டிருப்பதாகவும் அவர் குறிப்பிட்டார்.
இதேவேளை, எதிர்வரும் 15ஆம் திகதியில் இருந்து 21ஆம் திகதி வரை வெளிமாவட்டங்களில் இருந்து கொழும்பு நோக்கிய பயணங்களுக்கு மேலதிகமாக 400 பேருந்துகள் சேவையில் ஈடுபடுத்தப்பட இருக்கின்றன.
இந்த திட்டத்தை நடைமுறைப்படுத்துவதற்கு கொழும்பு மத்திய பேருந்து நிலையத்தில் விசேட வழிநடத்தல் பிரிவொன்று ஆரம்பிக்கப்பட்டிருப்பதாகவும் இலங்கை போக்குவரத்துச் சபையின் தலைவர் சட்டத்தரணி கிங்ஸ்லி மேலும் தெரிவித்தார்.
