கூச்பிகாரில் தங்களையும், வாக்களிக்க வந்த மக்களையும் காப்பாற்றுவதற்காகவே மத்திய பாதுகாப்பு படையினர் துப்பாக்கிச்சூடு நடத்தினர் என தேர்தல் ஆணையம் விளக்கம் அளித்துள்ளது.
மேற்குவங்கத்தில் நேற்று நடந்த 4ஆம் கட்ட வாக்குப்பதிவின்போது சித்தால்குச்சி தொகுதிக்கு உட்பட்ட வாக்குச்சாவடியொன்றில் பாதுகாப்பு பணியில் ஈடுபட்டிருந்த மத்திய தொழில் பாதுகாப்பு படையினர், நடத்திய துப்பாக்கிச்சூட்டில் 4 பேர் உயிரிழந்தனர்.
இந்த நிலையில், பாதுகாப்பு படையினரின் ஆயுதங்களை பறித்து அங்கிருந்தவர்கள் மீது தாக்குதல் நடத்த விஷமிகள் முயன்றதால், வேறு வழியின்றி துப்பாக்கிச்சூடு நடத்தப்பட்டதாக தேர்தல் ஆணையம் தெரிவித்துள்ளது.
இதனிடையை கூச்பிகார் மாவட்டத்திற்குள் அடுத்த 72 மணி நேரத்திற்கு எந்த அரசியல் கட்சி தலைவரும் நுழையக்கூடாது என தேர்தல் ஆணையம் தடை விதித்துள்ளது.
