இந்தியாவில் கொரோனா தொற்றின் தாக்கம் அதிகரித்து வருகின்ற நிலையில், நேற்று (செவ்வாய்க்கிழமை) ஒரேநாளில் ஒரு இலட்சத்து 85 ஆயிரத்து 248 பேர் தொற்றுக்கு உள்ளாகியுள்ளனர்.
இதனையடுத்து பாதிக்கப்பட்டோரின் மொத்த எண்ணிக்கை ஒரு கோடியே 38 இலட்சத்து 71 ஆயிரத்து 321 ஆக அதிகரித்துள்ளது. இவர்களில் ஒரு கோடியே 23 இலட்சத்து 32 ஆயிரத்து 688 பேர் குணமடைந்து வீடு திரும்பியுள்ளனர்.
அத்துடன் 13 இலட்சத்து 66 ஆயிரத்து 518 பேர் தொடர்ந்தும் சிகிச்சைப் பெற்று வருகின்றனர். அதேநேரம் 8 ஆயிரத்திற்கும் மேற்பட்டோரின் நிலை கவலைக்கிடமாகவுள்ளதாக தகவல் வெளியாகியுள்ளது.
இதேவேளை நேற்று ஒரேநாளில் 1026 பேர் உயிரிழந்துள்ள நிலையில், உயிரிழந்தோரின் மொத்த எண்ணிக்கை ஒரு இலட்சத்து 72 ஆயிரத்து 115 ஆக அதிகரித்துள்ளது.
