இந்தியாவில் கொரோனா தொற்றினால் பாதிக்கப்பட்டோரின் எண்ணிக்கை அதிகரித்து வந்த நிலையில், நேற்று (வியாழக்கிழமை) ஒரேநாளில் 2 இலட்சத்திற்கும் மேற்பட்டோர் தொற்றுக்கு உள்ளாகியுள்ளனர்.
இதன்படி நேற்று ஒரேநாளில் 2 இலட்சத்து 16 ஆயிரத்து 850 தொற்றாளர்கள் இனங்காணப்பட்டுள்ளனர்.
இதனையடுத்து பாதிக்கப்பட்டோரின் மொத்த எண்ணிக்கை ஒரு கோடியே 42 இலட்சத்து 87 ஆயிரத்து 740 ஆக அதிகரித்துள்ளது. இவர்களில் ஒரு கோடியே 25 இலட்சத்து 43 ஆயிரத்து 978 பேர் தொற்றில் இருந்து குணமடைந்து வீடு திரும்பியுள்ளனர்.
மேலும் 15 இலட்சத்து 69 ஆயிரத்து 427 பேர் தொடர்ந்தும் வைத்தியசாலையில் சிகிச்சைப் பெற்று வருகின்றனர். இவர்களில் 8 ஆயிரத்திற்கும் மேற்பட்டோரின் நிலைமை கவலைக்கிடமாகவுள்ளதாக தெரிவிக்கப்பட்டுள்ளது.
அதேநேரம் நேற்று ஒரேநாளில் ஆயிரத்து 183 பேர் உயிரிழந்துள்ள நிலையில், உயிரிழந்தோரின் மொத்த எண்ணிக்கை 1 இலட்சத்து 74 ஆயிரத்து 335 ஆக அதிகரித்துள்ளமை குறிப்பிடத்தக்கது.
