ஐரோப்பிய மருந்துகள் முகவரகம் (ஈ.எம்.ஏ) அடுத்த வாரம் ஜோன்சன் அண்ட் ஜோன்சனின் தடுப்பூசி குறித்த பரிந்துரையை வெளியிடும் என்று எதிர்பார்க்கப்படுகிறது.
ஜோன்சன் அண்ட் ஜோன்சனின் தேசிய அதிகாரிகளுடன் தொடர்பு கொண்டுள்ளதாகவும், பாதுகாப்புக் குழு விரைவான பரிந்துரையை வழங்கும் வரை ஏற்கனவே பெறப்பட்ட அளவுகளை சேமிக்க பரிந்துரைத்ததாகவும் ஐரோப்பிய மருந்துகள் நிறுவனம் தெரிவித்துள்ளது.
இந்த தாமதம் ஐரோப்பாவின் தடுமாறும் தடுப்பூசி பிரச்சாரத்திற்கு மேலும் ஒரு அடியாக அமைந்துள்ளது.
அமெரிக்க மத்திய சுகாதார முகவரகம் 50 வயதிற்கு உட்பட்ட ஆறு பெண்கள் தடுப்பூசியை பெற்ற பிறகு அரிய இரத்த உறைவினால் பாதிக்கப்பட்டதாக உறுதிசெய்தது. இதனால் ஜோன்சன் அண்ட் ஜோன்சன் தடுப்பூசி செலுத்துவதை நிறுத்தி வைக்கும்படி பரிந்துரைத்தது.
எனினும், சில ஐரோப்பிய நாடுகளில் ஏற்கனவே விநியோகங்கள் தொடங்கியுள்ள நிலையில் தடுப்பூசியின் பயன்பாட்டை கட்டுப்படுத்தலாமா என்பது குறித்து அதிகாரிகள் யோசித்து வருகின்றனர்.
பெல்ஜியம் மற்றும் பிரான்ஸ் தாங்கள் முன்னோக்கி செல்வதாகக் கூறினாலும், ஸ்பெயின், இத்தாலி மற்றும் கிரேக்கம் ஆகிய நாடுகள் அவற்றை நிறுத்தி வைத்துள்ளன.
