மகாராஷ்டிர மாநிலம் வனப்பகுதியொன்றில் பொலிஸாருடன் நடைபெற்ற மோதலில் 13 நக்சல்கள் சுட்டு கொலை செய்யப்பட்டுள்ளனர்.
இது குறித்து கட்சிரோலி மாவட்ட பொலிஸ் அதிகாரி தெரிவிக்கையில், “ நக்சல் எதிர்ப்பு சிறப்பு படையான 60 கமாண்டர்கள், மற்றும் பொலிஸாருக்கு கிடைத்த இரகசிய தகவலுக்கு அமைய கட்சிரோலி மாவட்டத்தில் உள்ள வனப்பகுதியில் தேடுதல் நடவடிக்கைகள் முன்னெடுக்கப்பட்டன.
இதன்போது நக்சல்கள் பொலிஸார் மீது துப்பாக்கி பிரயோகம் மேற்கொண்டனர். இதற்கு பொலிஸாரும் பதிலடி கொடுக்க நேரிட்டது.
இந்த மோதல் நிலையிலேயே 13 நக்சல்கள் சுட்டுக்கொல்லப்பட்டனர். சிலர் தப்பியோடியுள்ளன். மேலும் அவர்களிடம் இருந்து ஏகே 47 ரைபிள், உள்ளிட்ட ஆயுதங்கள், வெடிமருந்துகள் கைப்பற்றப்பட்டுள்ளன’ எனத் தெரிவித்துள்ளார்.
