வடமராட்சி கிழக்கு நாகர்கோவில் பகுதியில் முன்னாள் போராளி ஒருவர் வெடிபொருள்களுடன் கைதுசெய்யப்பட்டுள்ளார்.
கிடைக்கப்பெற்ற தகவலுக்கமைய பயங்கரவாத விசாரணைப் பிரிவினரால் இன்று (வெள்ளிக்கிழமை) மாலை அவர் கைது செய்யப்பட்டுள்ளார்.
ஏற்கனவே, கடந்த ஆண்டு ஜனவரியில் இராணுவச் சிப்பாயைத் தாக்கி தலைமறைவாகியிருந்து பின்னர் நீதிமன்றில் சரணடைந்ததன் பின்னர் விசாரணைகளை அடுத்து குறித்த நபர் விடுவிக்கப்பட்டிருந்தார்.
இவர், முன்னாள் போராளி என்பதுடன் அவரது மீன்வாடியில் வைத்து அவர் கைது செய்யப்பட்ட நிலையில், அவரிடமிருந்து கிளைமோர் குண்டு, சார்ஜர், துப்பாக்கி ரவைகள் உள்ளிட்ட பொருட்கள் கைப்பற்றப்பட்டுள்ளதாக பொலிஸார் தெரிவித்துள்ளனர்.
