கேரளாவில் ஜிகா வைரஸ் தொற்றினால் பாதிக்கப்படுபவர்களின் எண்ணிக்கை 28 ஆக அதிகரித்துள்ளது.
ஏற்கனவே 23 பேர் பாதிக்கப்பட்டிருந்த நிலையில், புதிதாக மேலும் 5 பேர் கண்டறியப்பட்டுள்ளனர். இதனையடுத்தே பாதிக்கப்பட்டவர்களின் எண்ணிக்கை அதிகரித்துள்ளதாக தெரிவிக்கப்பட்டுள்ளது.
இவ்வாறு புதிதாக பாதிக்கப்பட்டவர்களில் 4 பேர் பெண்கள் எனவும், சுகாதாரத்துறையினர் தெரிவித்துள்ளனர்.
இதனையடுத்து வைரஸ் பரவும் பகுதிகளில் கண்காணிப்பு மற்றும் நோய்த்தடுப்பு நடவடிக்கை தீவிரப்படுத்தப்பட்டுள்ளதாக அம்மாநில அரசு அறிவித்துள்ளது.
முதற்கட்டமாக 16 பேரின் இரத்த மாதிரிகள் சேகரிக்கப்பட்டு பரிசோதனைக்கு அனுப்பிவைக்கப்பட்டுள்ளதாகவும் குறிப்பிடப்பட்டுள்ளது.
