இலங்கையில் புதிதாக 1,737பேருக்கு கொரோனா வைரஸ் தொற்று நேற்று (சனிக்கிழமை) உறுதி செய்யப்பட்டுள்ளடன் மேலும் 52 பேர் உயிரிழந்துள்ளனர்.
சுகாதார அமைச்சு வெளியிட்டுள்ள ஊடக அறிக்கையிலேயே இந்த விடயம் தெரிவிக்கப்பட்டுள்ளது.
குறித்த அறிக்கையில் மேலும் கூறப்பட்டுள்ளதாவது, வெளிநாடுகளில் இருந்து நாடு திரும்பிய நிலையில் தனிமைப்படுத்தலுக்கு உட்படுத்தப்பட்ட 30 பேரும் புத்தாண்டு கொத்தணியுடன் தொடர்புடைய 1,707பேரும் வைரஸ் தொற்றாளர்களாக அடையாளம் காணப்பட்டுள்ளனர்.
இதற்கமைய இலங்கையில் கொரோனா வைரஸ் தொற்றினால் பாதிக்கப்பட்டவர்களின் மொத்த எண்ணிக்கை 294,850 ஆக அதிகரித்துள்ளது.
இதேவேளை மேலும் 52 பேர் வைரஸ் தொற்றினால் உயிரிழந்துள்ளனர். இதில் 26 ஆண்களும் 26 பெண்களும் உள்ளடங்குகின்றனர்.
அதாவது 30 வயதிற்கு குறைந்த ஒருவரும் 30 முதல் 59 வயதிற்கு இடைப்பட்ட 12 பேரும் 60 வயதிற்கு மேற்பட்ட 39 பேருமே இவ்வாறு உயிரிழந்துள்ளனர்.
இதற்கமைய இலங்கையில் 4054 பேர் கொரோனா வைரஸ் தொற்றினால் உயிரிழந்துள்ளனர்.
இதற்கிடையில் மேலும் 57பேர், கொரோனா வைரஸ் தொற்றில் இருந்து குணமடைந்து வீடு திரும்பியுள்ளனர்.
இதன்படி குணமடைந்தோரின் மொத்த எண்ணிக்கை 266,665 ஆக அதிகரித்துள்ளது என அறிக்கையில் கூறப்பட்டுள்ளது.
